Kuadru CNRT Involve Governu, Partidu Konsidera Rezigna An

DILI, (TATOLI) - Hahú hosi Prezidente Partidu Kay Rala Xanana Gusmão to’o kuadru polítika Partidu CNRT sei la involve ba sétimu governu ne’ebé lideradu hosi Sekretáriu Jerál Fretilín, Mari Alkatiri.

Segundu Vice Prezidente Partidu Kongresu Nasionál Rekonstrusaun Timor-Leste (CNRT-Sigla Portugés), Virgílio Smith, esplika bazeia ba rezultadu konferénsia nasionál, liuhosi rezolusaun No. I/Res/P-CNRT/VIII/2017 deside ona CNRT nu’udar opozisaun ba Governu.

“Membru Partidu ne’ebé deside involve iha sétimu governu, la’ós reprezenta Partidu. Se involve, signifika rezigna an ona hosi Partidu,” Virgílio Smith deklara liuhosi konferénsia imprensa, iha sede nasionál Partidu CNRT, Bairru Grillos, Sábadu (30/09).

Tuir dekretu Prezidente Repúblika No 62/2017 de 29 de Setembru, Prezidente da Repúblika sei fó pose iha tempu besik, nu’udar fase daruak hodi kompleta estrutura sétimu governu.

Iha segunda fase ne’e involve mós kuadru CNRT hanesan Agio Pereira ne’ebé asume kargu nu’udar Ministru Adjuntu do Primeiru-Ministru e na Presidência do Conselho de Ministros.

“Agio Pereira antes ne’e mai ona iha Sede Partidu hodi hasoru malu ho sekretáriu Jerál Partidu, Francisco Kalbuady Lay, maibé Sekretáriu Jerál hatete CNRT firme mantein pozisaun hanesan Opozisaun,” Virgílio haktuir.

Entretantu Sétimu governu lideradu hosi Primeiru-Ministru e ministru do Dezenvolvimentu e Reforma Regional – Mari Alkatiri.

Ajuda hosi ministru hamutuk nain 31 hanesan; Ministro de Estado e Conselheiro para Segurança Nacional – José Ramos-Horta. Ministro de Estado e Ministro de Recursos Minerais – Mariano Assanami Sabino. Ministro de Estado e ministro da Saúde, Rui Maria de Araújo. Ministro de Estado e ministro de Agricultura e Pescas, Estanislau da Silva.

Ministro Adjunto do primeiro-ministro e na Presidência do Conselho de Ministros – Agio Pereira. Ministro Adjunto do Primeiro-Ministro para Assuntos de Governação – José Maria dos Reis. Ministro na Presidência do Conselho de Ministros – Adriano do Nascimento.

Ministro dos Negócios Estrangeiros e Cooperação – Aurélio Guterres. Ministro da Administração Estatal – Valentim Ximenes. Ministro do Plano e Finanças – Rui Gomes. Ministro da Defesa e Segurança – Agostinho Somotxo. Ministro do Comércio e Industria – António da Conceição.

Ministra da Solidariedade Social – Florentina Martins Smith. Ministro da Educação e Cultura – Fernando Hanjam. Ministro do Petróleo – Hernâni Coelho.

Vice-Ministro de Desenvolvimento para Obras Públicas – Mariano Renato Monteiro da Cruz. Vice-Ministro de Desenvolvimento para Habitação, Ordenamento e Ambiente – Abrão Gabriel Santos Oliveira. Vice-Ministro de Desenvolvimento para Transportes e Comunicações – Inácio Freitas Moreira.

Vice-Ministro da Administração Estatal – José Anuno. Vice-ministra da Educação e Cultura – Lurdes Bessa. Vice-Ministro da Educação e Cultura – José Neves. Vice-Ministro da Saúde – Luís Maria Ribeiro Freitas Lobato.

Vice-Ministro da Justiça – Sebastião Dias Ximenes. Vice-Ministro do Comércio e Indústria – Jacinto Gusmão. Vice-Ministro de Agricultura e Pescas – Deolindo Silva. Secretário de Estado de Agricultura e Pescas – Cipriano Esteves Ferreira.

Secretário de Estado do Conselho de Ministros e da Comunicação Social – Matias Freitas Boavida. Secretário de Estado do Desporto e da Promoção da Alta Competição – Osório Florindo da Conceição Costa. Secretário de Estado da Juventude e do Trabalho – Nívio Leite Magalhães. Secretário de Estado dos Veteranos – André da Costa Belo (L4)

(Ekipa Redasaun)

Foto: Ministro Adjunto do primeiro-ministro e na Presidência do Conselho de Ministros – Agio Pereira, ho nia Kompañeiru Tomás Cabral, Eis Vice Ministru Administrasaun Estatál. Foto FB_CNRT.