Membru Governu Balu Tama Prizaun, Tilman Louva Servisu KAK

DILI – Nasaun demokratiku justisa hanesan ba ema hotu, no servisu KAK nian lao ba oin duni, tanba indentifika duni membru governu balu, too ikus balu tama ona iha prizaun, tanba nee jurista Manuel Tilman louva ho KAK nia servisu.

KAK nee em termus de proposaun akuzadus ka la akuzadus, no korupsaun tama kadeia nee, agora iha nain hitu mak tama kedeia ona, agora balu atu tama tan, hatudu katak sira nia servisu lao diak, lei neebe ami husik hela mos diak, agora sira be tuir fali mai nee mak, seidauk hadia buat ida,” dehan Jurista Tilman ba Jornalista sira iha nia knar fatin Praia Dos Ququeros Segunda, (12/02/2018).

Nia Salienta tan, iha Timor iha demokrasia iha autoridade katak, iha organizasaun KAK, tanba nee se KAK la halo investigasaun mos, ema sira neebe halo sala, sei kaer nafatin sira.

Tanba nee, laos dehan kaer ema kiik deit mak lori ba kadeia, dala ruma hanesan nee duni, tanba sira neebe tama kadeia barak nee tanba defeza mak fraku, nee mak tama kadeia selae la tama ida. Maibe louva ho servisu KAK nian, tanba komesa lori ona membru governu balu tama kadeia.

Iha fatin seluk, akademika UNTL Manuel Noronha hateten, servisu KAK nian, tenke funsiona makas, atu bele halo investigasaun, ba ema hirak neebe komete korupsaun. 

Terezinha De Deus | Suara Timor Lorosae