SAÚDE, (TATOLI) - Kuaze loron-loron
iha banku de urjénsia, ami hasoru inan aman ou família ne’ebé atrapalla no
preokupa tanba sira nian oan ou família monu (la interese monu husi kama
leten, duni malu maka monu, sa’e ai ou bisikleta maka monu ou dezastre tráfiku
ruma) too iha ami, Primeira-Vés sai husi sira nia ibun maka “Ami hakarak hasai
Rai-Xís ou X-RAY (Roentgen).”
Sira la iha pasiénsia hein
bainhira Médiku sei halo ezaminasaun tanba iha sira nia hakarak, mai
ospitál para hasai rai-xís, tanba hanoin ho Hasai RAI-XIS ne’e problema
resolvidu. Iha mós pasiente barak ne’ebé maka foin hetan
atendemento hasai Rai-Xís seidauk too fulan, fila mai kontrola ou moras mai
fali ospitál, sem lori dokumentu hotu, inklui Rai-Xís kona ba moras antes.
Favor, tau atensaun ba ida nee.
Lori dokumentu hotu kona ba imi nian moras antes, mai ospitál kuandu atu ami la
repete fila fali buat ne’ebé lolos la presiza atu repete no mós bele halais
prosesu atendimentu ba ita boot sira nia moras.
Komplikasaun Saida Mak Bele Mosu
Kuandu Halo RAI-XIS
Hasai Rai-Xís signifika katak,
ita nia isin sei hetan kontaminasaun radiasaun husi radioactive hodi foti image
husi ita nia isin ne’ebé moras. Kona beibeik radiasaun husi Radioactive
nee, bele halo mutasi gen iha ita nia isin, tanba nee bele halo; 1. Sel
kankru ( sel kanker) moris iha isin ( buat nee prova ona liu husi evidénsia iha
tinan 1934, Sr. Marie Curie ne’ebé maka deskobre primeira vés kona ba
radioactive mate tanba kankru ran / leukemia tanba deskonfia kona
beibeik radioactive husi XRAY), 2. Tanba mutasaun husi gen ( DNA) nee,
bele halo infertilidade ou labele hetan oan ou oan moris ho defisiente; 3.
Estraga sel iha kulit; 4. Bele destrui kreximentu fíziku; 5. Bele halo
defisiente ba bebé ne’ebé bainhira nia mamá isin rua hasai Rai-Xís; 6. Sai
hanesan kauza ba produsaun ran menus iha isin.
Ami iha kritériu no hatene se
de’it mak presiza atu hasai Rai-XíS hanesan: 1. Monu/Dezastre, baku ulun makas,
ne’ebé akompaña ho: Halo ran sai husi Inus ou Tilun, ulun moras makas to
Muta, menus ou lakon konxiénsia 2. Monu/Dezastre, Baku hirus matan, halo dada
is ladi’ak, movimentu hirus matan ne’ebé tun e sa’e la hanesan (
la-simetris), kosar makas ne’ebé maka sente kedas iha loron
akontesimentu. 3. Monu/ Dezastre baku makas iha Kidan ne’ebé maka halo
kabun bubu ou labele halo movimentu husi parte kidan tun mai ain. 4. Iha mal
formasaun husi ruin tanba tohar. 5. Liman ou ain bubu derrepente, mean no
akompaña ho isin manas 6. Mear makas akompaña ho is boot no isin manas (
ladi’ak ho suas no hemu ai-moruk) 7. Mear akompaña ho tafui rai 8. Sente hirus
matan moras makas halo difisil atu dada is 9. Kabun bubu akompaña ho labele soe
be boot ( konstipasaun) no muta hela de’it ( deskonfia iha obstrusaun ou
infesaun iha tee oan) 10. Kabun bubu no mi ladi’ak ou mi ho ran (deskonfia
fatuk iha mamiik).
Ne’e duni, husik ami sira ne’ebé
iha koñesimentu kona-bá moras, mak indika presiza duni hasai rai-xís ou lae!
Lalika hanoin, ho hasai rai-xís bele rezolve problema, tanba hetan trauma iha
isin, la presiza hotu-hotu tenke hasai rai-xís! Bele sai inan aman ne’ebé
atentivu no hakarak hatene maibé la’ós ko’alia hanesan hatene buat hotu. Pior
liu tan, dikte saida mak pesoál saúde presiza halo.
Hosi : Dra Luduvina Da Costa Cruz
(Mediku jeral iha banku de
urgensia HNGV)
Sem comentários:
Enviar um comentário