Investigador portugés sira hasoru
malu iha loron 24 Maiu, iha Porto, hodi debate dokumentasaun oioin kona-ba
istória foun Timor-Leste nian, esplika hosi promotor kolókiu nian, Luís Pinto,
ba Lusa.
Ho tema 'História & Memória -
os arquivos de e para Timor' no organiza hosi Departamentu hosi Istória no
Estudu Polítiku sira no Internasional sira hosi Fakuldade Letras hosi
Universidade Porto (DHEPI), kolókiu hakarak halo pontu situasaun kona-ba antiga
kolónia portugeza ne'e.
Iha dokumentu ida ne'ebé haruka
ba Lusa, Luís Pinto esplika katak "karakterístika partikular sira hosi
Timor no sirkunstánsia istóriku sira hosi kolonizasaun portugeza, okupasaun
japuneza, deskolonizasaun invazaun indonéziu, rezisténsia ho administrasaun ONU
hamosu ona dokumentasaun oioin ne'ebé relevante ba estudu hosi nia
istória".
"Bainhira identifikasaun
hosi fonte sira no bibliografia hanesan tarefa demoradu ida ba estudu hosi
períudu 1769-1945, sei susar liu ba períudu 1945-1975", nia hatutan no hatete
katak "internasionalizasaun hosi 'kestaun Timor nian', hahú hosi 1975,
aumenta fonte sira hodi konsulta".
Nia hatete katak
"dokumentasaun oioin la'ós de'it hanesan jeográfiku, maibé mós
linguístiku", hodi argumenta katak "tentativa ruma hodi halo inventáriu
ba fonte sira ne'e presiza kolaborasaun internasional ida" no
"Portugal, tanba razaun istóriku sira, iha dokumentasaun barak kona-ba
Timor", nune'e "hanesan di'ak tebes tenta halo pontu situasaun ida
kona-ba saida maka hatene ona (no ida ne'ebé seidauk hatene) kona-ba arkivu
sira kona-ba Timor".
Organiza iha ámbitu hosi Programa
Doutoramentu iha Istória hosi FLUP, ne'ebé "iha tradisaun maka'as iha
estudu arkivu sira nian" no "disponibiliza ona hodi ajuda formasaun
ba arkivista timoroan sira, liuliu ba Arkivu Nasional Timor-Leste (ANTL) nian,
nune'e estudu hosi tema timoroan sira nian iha interese istóriku, kultural ho
sientífiku ba Portugal", argumenta hosi promotor.
"'Kestaun Timor nian' bele
mós hanesan objetu interesante ida hosi estudu kona-ba oinsá iha nia artikula
interese internasional sira ator lokal sira, oinsá movimentu ida hosi
rezisténsia luta ona ba libertasaun nasional no harii ona dame, oinsá sosiedade
sivil portugeza no internasional organiza hodi apoia kauza ida ne'ebé hanoin
atu lakon, oinsá harii ona estadu iha Timor-Leste no ONU nia knaar iha prosesu
ne'e", nia hatete.
Tanba "Timor-Leste hasoru
naturalmente ho kestaun kona-ba nia identidade", Luís Pinto konsidera ona
katak nasaun foun "presiza hatudu katak nia konsiénsia hosi identidade
hanesan maka'as tebes hodi ultrapasa mudansa interna sira ho externa
sira", hodi sustenta "kultura rasik ida iha nia diversidade".
"Istória koletivu hosi
Timor-Leste hanesan komponente ida importante liu hosi konsiénsia identiráriu
ne'e", nia hatete.
Nia hatete ba Lusa katak kolókiu
hanesan mós "dalan ida hodi apoia esforsu ne'ebé halo daudaun, dezde tinan
1999, iha Timor-Leste hosi "instituisaun oioin" hodi "prezerva
no disponibiliza dokumentasaun ne'ebé sei rekolla, maski iha difikuldade
finanseiru, material sira ho rekursu ema nian".
Destaka katak "la'ós hanesan
intensaun hosi kolókiu FLUP nian kontribui ba polémika sira ka tenta
'rezolve''kestaun istóriku' iha Timor-Leste", entende hanesan "realsa
importánsia hosi transmisaun informasaun nian, asesu, uzu, no fó moris ba
material barak ne'ebé Timor-Leste iha. No halo iha espíritu ida kolaborasaun ho
ema tomak no, ba dala uluk, ho ema timoroan sira", nia hakotu.
SAPO TL ho Lusa
Sem comentários:
Enviar um comentário