terça-feira, 22 de maio de 2018

Erupsaun foun hosi vulkaun indonéziu Foho Merapi nian


Vulkaun ne'ebé la estável tebes hosi Indonézia, Foho Merapi, situa iha illa prinsipal Java nian, tama iha erupsaun, iha loron-segunda ne'e hodi hasai suar no sinza, haktuir hosi autoridade sira.

Tuir portavós hosi Ajénsia Mitigasaun ba Dezastre sira, Sutopo Purwo Nugroho, Foho Merapi, iha illa prinsipal Java nian, hahú erupsaun dala rua, iha loron-segunda, hodi aumenta katak rejista ona atividade sira iha semana hirak ikus ne'e.

Koluna ida hosi material vulkániku aumenta metru 1.200 no sinza sira monu iha aldeia oioin. Nível alerta nian seidauk aumenta ida.

Iha loron 11 Maiu, erupsaun ida halo populasaun sira ne'ebé hela besik halai ba fatin sira ne'ebé seguru. Foho Merapi iha aas metru 2.968 no hanesan vulkaun ida ativu liu hosi vulkaun indonéziu hamutuk 500.

Erupsaun boot ikus hosi Merapi rejista iha fulan-Outubru 2010, bainhira kalohan sinza ida halo ema na'in 32 mate no tenki hasai ema rihun 50 hosi fatin.

SAPO TL ho Lusa

Sem comentários: