Tribunál Konta hala’o hela auditoria ba polémika Ró Haksolok

DILI, 12 agostu 2020 (TATOLI) --  Prezidente Tribunál Rekursu (PTR) nu’udar mós Prezidente Tribunál Kámara Konta, Deolindo dos Santos, informa, Tribunál Kámara Konta daudaun ne’e hala’o hela auditoria ba Ró Haksolok ne’ebé durante ne’e sai polémika iha públiku.

Deolindo dos Santos, haktuir lia-hirak ne’e hodi responde jornalista, ohin, iha Palacio do Governo, konaba auditoria Tribunál Kámara Konta nian ba mega projetu sira hanesan Ró Haksolok, Konstrusaun Portu Naval, Hera, uma MDG’s no projetu ponte CPLP, Comoro, Dili.

Deolindo dos Santos, afirma kualkér auditoria ne’ebé aprova iha plenária Kámara Konta ba planu auditoria atu hala’o labele divulga sai uluk bainhira iha ona konkluzaun ona mak bele fó sai iha indísiu ba infrasaun ka lae. Tanba ne’e, nia afirma tan, kualkér rezultadu auditoria ne’ebé finaliza ona no aprova iha plenária Kámara Konta sei públika iha sítiu própriu Kámara Konta atu públiku bele asesu no kuandu divulga tuir lei Kámara Konta ba entidade sira ne’ebé haruka atu notifika tenke notifika hotu.

“Kona-ba Ró Haksolok ne’ebé sai diskusaun públiku ha’u labele fó komentáriu tanba auditoria la’o hela. Buat ne’e labele antesipa dehan ba públiku,” esplika Deolindo dos Santos.

Jornalista: Nelson de Sousa | Editór: Francisco Simões

Notísia Relevante:

Alkatiri: Ró Haksolok Tenke iha Desizaun