Timor-Leste iha de'it kazu ativu
ida hosi COVID-19, hafoin pasiente infetadu na'in ida rekupera ona no hetan
alta iha findesemana, haktuir informasaun atualizadu hosi Ministériu Saúde.
Informasaun, disponibiliza iha
rejistu atualizadu diáriu, hatudu katak pasiente na'in ida, hosi pasiente na'in
rua ne'ebé infetadu, hetan ona rekuperasaun, no sai ona hosi sentru izolamentu
iha Vera Cruz.
Timor-Leste, ne'ebé hahú iha
loron-sábadu nia períudu dalima ba estadu emerjénsia, akumula total ida hosi
kazu konfirmadu hamutuk 27 dezde hahú pandemia, nain 26 rekupera ona.
Agora daudaun iha ema na'in 173
iha kuarentena iha instalasaun sira Governu nian ka iha hotel sira no na'in 154
iha autokonfinamentu.
Autoridade sira halo ona teste
hamutuk 5.965, ema na'in 123 sei hein rezultadu.
Pandemia COVID-19 halo ona
pelumenus ema na'in 880.396 mate no infeta ona ema millaun 26,9 iha nasaun ho
teritóriu hamutuk 196, haktuir hosi balansu ne'ebé halo hosi ajénsia notísia
France-Presse (AFP).
Iha Portugal, ema na'in 1.840
mate ona hosi ema infetadu sira ne'ebé konfirmadu hamutuk 60.258, haktuir hosi
boletin foun hosi Diresaun-Jeral Saúde nian.
Moras ne'e transmiti hosi
koronavírus foun ida ne'ebé hetan iha Wuhan, sidade ida iha sentru Xina nian,
iha final Dezembru.
Sapo TL | Lusa
Sem comentários:
Enviar um comentário