Espesialista sira hosi nasaun
oioin partisipa, hahú loron-segunda ne'e no durante semana tomak, iha
konferénsia internasional 'online' dedika ba Timor-Leste, ne'ebé sei analiza
tema oioin sira hanesan edukasaun, lian, ekonomia, ambiente ho polítika, no
seluk tan.
Organiza hosi seksaun portugeza
hosi Timor-Leste Studies Association no hala'o ho tema "Timor-Leste: illa
ho Mundu", konferénsia ne'e organiza ho apoiu hosi Sentru Estudu Sosial
hosi Universidade Coimbra, hosi Asosiasaun Ibero-Amerikanu hosi Estudu Sudeste
Aziátiku ho Universidade Aberta.
Inisiativa envolve mós
instituisaun timoroan oioin, inklui Universidade Nasional Timor Lorosa'e (UNTL),
Sentru Kultural Portugés iha Embaixada Portugal nian iha Díli, Sentru Nasional
Chega!, Human Rights Centre (UNTL) ho Fundasaun Oriente.
Entre orador prinsipal sira hosi
sesaun plenáriu sira iha eis-Prezidente Timor-Leste ho Nobel Dame nian, José
Ramos-Horta, eskritora portugeza Joana Ruas, eskritor timoroan Luís Cardoso ho
profesora Teresa Sousa de Almeida.
Sei iha aprezentasaun sira iha
portugés, inglés ho tétun ho espesialista sira hosi Austrália, Brazil, Kanadá,
EUA, Fransa, Holanda, Indonézia, Japaun, Portugal, Reinu Unidu ho Timor-Leste,
fahe iha painel hamutuk 16 ne'ebé dedika ba tema oioin.
Konferénsia iha mós previzaun ba
lansamentu livru sira ho espozisaun rua, inklui hosi artista timoroan Maria
Madeira.
Sesaun abertura halo iha
loron-segunda ne'e, tuku 16:00 oras Díli nian.
Sapo TL | Lusa
Sem comentários:
Enviar um comentário