Eskola Portugeza Díli nian loke
tinan letivu iha loron 17 Setembru, ho regra seguransa sanitáriu apertadu,
inklui uzu permanente máskara ho distansiamentu sosial maski seidauk to'o
professor barak hosi Portugal.
"Semana dahuluk sira sei
hanesan konsolidasaun hosi material ne'ebé aprende iha ensinu distánsia nian,
ba kestaun sira komportamentarl nian, sidadania ho adaptasaun ba realidade foun",
esplika hosi Acácio de Brito, diretor hosi Eskola Portugeza Díli (EPD) nian.
Limitadu ho regra sira hosi
prevensaun ba pandemia COVID-19 nian, tinan letivu hahú ho de'it dosente na'in
23 hosi dosente na'in 66 ne'ebé previstu, ho sira seluk sei halo de'it viajen
hosi Lisboa iha loron 19 Setembru.
Dosente sira ne'e, inklui profesor
foun na'in 20, sei aproveita semo ida ne'ebé organiza hela hosi EuroAtlántiku
hodi solusiona izolamentu iha nível hosi ligasaun aéreu sira ne'ebé maka
Timor-Leste halo dezde Marsu.
To'o iha Díli, profesor sira
tenki kumpri kuarentena semana rua, bele servisu de'it hafoin teste negativu
sira hosi COVID-19 halo iha Timor-Leste.
Acácio de Brito rekoñese dezafiu
sira ne'ebé tinan foun hamosu, bainhira hein simu alunu na'in 1.100 resin iha
nível oioin ensinu nian, nota katak eskola "preparadu ba aat liu maibé hakarak
atu buat hotu la'o ho di'ak".
Abertura hosi tinan letivu maka
regresu hosi atividade sira ho alunu sira, ne'ebé maka suspensu iha loron 13
Marsu, tanba inundasaun sira ne'ebé estraga maka'as ona infraestrutura, maibé
rekupera tiha ona no iha kazu balun sai di'ak liu.
Pandemia impede ona atu atividade
letivu prezensial sira hahú fali maski hafoin hakotu obra sira, ho tinan letivu
ikus konklui hosi dook maibé la inklui ezame sia hosi 12º ano nian.
Planu haree ba pontu oioin ba
entrada ho saída hosi eskola, ho sukat temperatura, no ema tomak - alunu sira,
profesor sira, funsionáriu sira, vizitante sira ho enkaregadu edukasaun sira -
tenki "uza obrigatóriu máskara hodi taka ibun ho inus durante nia
permanénsia iha eskola".
Regra ne'e la aplika de'it ba
labarik sira hosi edukasaun pré-eskolar, hosi siklu dahuluk ho projetu foun
"Tinan Zero", inisiativu ida ne'ebé maka estreia, iha tinan ne'e,
hodi apoia alunu sira ne'ebé, bainhira to'o iha eskola, iha susar maka'as ho
lian portugés.
Iha entrada ho saída hosi sala
aula sira ka hosi fatin sira ensinu ho aprendizajen nian, alunu sira hotu ho
profesor sira tenki fase liman ho bee ho sabaun ka ho jel dezinfetante.
"Iha sala aula sira,
obrigatóriu ba alunu sira ho dosente sira hodi uza nafatin máskara protesaun
nian no, bainhira bele, alunu sira tenki mantén distánsia sosial adekuadu ida.
Iha sala aula la permiti uza hamutuk material eskolar nian", refere hosi
diretriz foun sira.
"Iha sentidu hosi
prevalénsia distansiamentu sosial nian, iha koredor sira eskola nian sei la
permiti alunu sira atu halibur hamutuk lahó nesesáriu distansiamentu sosial
(metru 1,5)", hatutan.
Acácio de Brito husu kolaborasaun
hosi aman-inan sira ho enkaregadu edukasaun, ba fornesimentu sira máskara nian
ba alunu sira - ohin loron sai hanesan komun iha Timor-Leste hodi uza máskara
reutilizável sira -, nune'e mós hodi esplika no implementa regra foun sira hosi
seguransa sanitáriu nian.
Maski rekomendasaun hosi
Organizasaun Mundial Saúde (OMS) nian hatete katak alunu sira hahú hosi tinan
neen uza máskara, iha kazu hosi EPD regra ne'e aplika hahú hosi tinan 10, ho
kontrolu "rigorozu" hosi temperatura bainhira tama no desinfesaun
liman nian.
Refeitóriu sei aumenta tempu hodi
funsiona hodi simu diminuisaun ida hosi 50% iha lotasaun.
Sei iha mós desinfesaun reforsadu
hosi fatin eskolar tomak.
Kona-ba ensinu, no entre
inovasaun sira iha tinan ne'e, EPD estreia "Tinan Zero", ho
"labarik identifikadu sira hanesan la ko'alia lian portugeza, ho susar
maka'as hodi integra iha grupu pré-eskolar, ne'ebé iha tinan lima, maibé la
inklui iha situasaun hodi hahú iha tinan dahuluk hosi siklu dahuluk hosi ensinu
báziku".
Turma ne'e sei funsiona ho
horáriu ida horas 20 semanal hosi aprendizajen lian portugeza, liu oras lima
ne'ebé destinadu ba área sira hosi konteúdu Formasaun Pesoal ho Sosial ho
Espresaun ho Komunikasaun.
"Atu alunu sira senti
motivadu ba aprendizajen lian nian no asimila konteúdu previstu sira ho fásil
tebes, buka atu, iha maioria, rekursu sira sei hanesan lúdiku ho didátiku, uza
knananuk sira ho áudiu sira ho vokabuláriu estudade, aprezentasaun multimédia
sira, jogu mímiku sira ho memorizasaun nian, favorese interasaun ho espresaun
oral hosi alunu sira", esplika hosi EPD.
Pandemia COVID-19 halo ona ema
rihun 880 resin mate iha mundu dezde Dezembru tinan liubá.
Timor-Leste akumula total ida ho
kazu konfirmadu 27 dezde hahú pandemia, na'in 26 rekupera ona.
Sapo TL | Lusa
Sem comentários:
Enviar um comentário