Iha loron-tersa ne'e, Governu
anunsia autorizasaun hodi halo semo transporte ida ba sidadaun sira Malázia
nian, previstu ba loron 26 Setembru oinmai, ne'ebé sei loke, komersialmente, ba
pasajeiru sira seluk.
Iha nota ida ne'ebé haruka ba
Embaixada Malázia nian iha Díli, Ministériu Negósiu Estranjeiru esplika katak
semo 'charter', organiza hosi empreza Air Timor, sei halo ligasaun entre Díli
ho kapital malaiu, Kuala Lumpur.
Semo bele hanesan komersializadu
ho sei permiti embarke hosi pasajeiru sira, ba entrada ho saída hosi
Timor-Leste.
Hanesan semo dahuluk ne'ebé
hala'o hosi Air Timor dezde Marsu, momentu ne'ebé semo komersial sira hosi no ba
Timor-Leste hetan suspensaun tanba pandemia COVID-19.
Nasaun agora daudaun iha períudu
dalima hosi estadu emerjénsia, ho kazu ativu ida ho pasiente na'in 26 rekupera
ona dezde hahú pandemia.
Iha pasadu, empreza tenta ona
halo operasaun hanesan ida entre sidade rua maibé viajen la hetan autorizasaun
hosi autoridade timoroan sira ne'ebé mantén suspensu lahó tempu definidu ba
semo komersial sira.
Fonte hosi empreza hatete ona ba
Lusa katak Air Timor iha disponibilidade hodi kontinua semo
"regularmente" maibé presiza autorizasaun hosi Governu timoroan hodi
bele hala'o.
Malázia permiti atu pasajeiru
sira halo eskala iha Kuala Lumpur, mantén limitasaun maka'as ba entrada iha
nasaun hosi estranjeiru sira ne'ebé la'ós rezidente.
Pandemia COVID-19 halo ona
pelumenus ema na'in 889.498 mate ho infeta ona ema millaun 27,1 resin iha
nasaun ho teritóriu hamutuk 196, haktuir hosi balansu ne'ebé halo hosi ajénsia
franseza AFP.
Moras ne'e transmiti hosi
koronavírus foun ida ne'ebé hetan iha Wuhan, sidade ida iha sentru Xina nian,
iha final Dezembru.
Sapo TL | Lusa
Sem comentários:
Enviar um comentário