Ezersisiu “Cobra 20-2” Iha Laga

BAUCAU, STLNEWS.co – Hahu iha loron 19 too 30 Fulan Outubru 2020, Komandu Falintil-Forsa Defeza Timor-Leste (F-FDTL), realiza ezersisiu “Cobra20-2”, iha Postu Administrativu Laga, Munisipiu Backau. Inklui, halo asaun dame iha Suku Nunira no halo tramentu saude gratuita ba komunidade.

Doutor F-FDTL, Anacleto Soares hateten, durante loron 12 prezensa F-FDTL iha Postu Administrativu Laga hodi realiza aktividade ezersisiu “Cobra20-2” da-ruak neebe hola parate husi forsa kompañia ida, kompostu husi Komponente Terrestre, Naval, Centru Formasaun Terrenu, Komponente Apoiu Servisu, Polisia Militar no Kurtel Jeral. Hodi orienta militar haklaken dame paz ba komunidade.

Asaun ezersisiu “Cobra20-2” militar sira halo aktividade tolu mak importante, prevensaun ba surtu covid-19, relativa ho nutrisaun no sei oferese asistensia tramentu saude gratuita ba komunidade sira.

“Ezersisiu “Cobra20-2” ami husi departamentu saude militra servisu hamutuk ho Ministeriu Saude. Lori programa tolu importamente hanesan prevensaun ba surtu covid-19, relativa ho nutrisaun no oferese asistensia tratamentu saude gratuita ba komunidade sira,” dehan Anacleto liu husi nian diskursu iha ambitu tramentu saude ba komunidade iha Suku Atelari, Postu Administrativu Laga, Sabadu (24/10/2020).

Tuir Anacleto, moras Covid-19 akontese iha Xina sai hanesan preokupasaun global iha mundu no hamate ema barak. Tanba ho prezensa militar oinsa ajuda governu atu halo sosializasaun ba komunidade sira atu halo prevensaun. Maske Timor-Leste seidauk iha ema mate ba moras nee.

Ho asaun ba aktividade prevensaun moras Covid-19, hodi fo hanoin ba komunidade sira atu komprende no hatene klean liutan kona-ba saida mak Covid-19.

Iha fatin hanesan infermeira postu Saude Ateleri, Clara Domingos de Carvalho dehan, nian sente haksolok ho prezensa militar bele ajuda komunidade sira halo sosializasaun ba moras Covid-19 no fo tratamentu saude gratuita ba komunidade sira.

Nia dehan, moras neebe rejista aas iha postu saude Aletelari mak moras ISPA hanesan isin katar no isin manas. Tanba tuir relatoriu kada fulan neebe hatoo ba Sentru Saude Postu Administrativu Laga sae too 60 kazu.

“Ami iha nee kada loron rejista pasiente sira neebe hetan moras aas liu mak ISPA. Tanba nee prezensa militar sira bele fo apoiu ami saude sira iha nee atu halo tramentu saude ba komunidade sira nee inportante ba ita hotu,” katak Clara.

Reprezentante Xefe Suku Ateleri, Moezes do Rozario hateten, asaun neebe militar sira halo iha Suku Atelari diak tebes. Tanba nee husu atu aktividade ida nee kada tinan tenke kontinua realiza. Tanba komunidade sira iha area rural, barak laasesu ba informaun no tramentu saude.

“Ami nia komunidade barak laasesu ba informasaun no halo tratamentu saude, ami husu atu kontinua halo aktividade hanesan hodi bele tulun komunidade sira nia saude,” katak Moezes.*

Suara Timor Lorosae | Reportajen: Efizenia da Costa | Editor: Ekipa STL

Imajen: Hahu iha loron 19 too 30 Fulan Outubru 2020, Komandu Falintil-Forsa Defeza Timor-Leste (F-FDTL), realiza ezersisiu “Cobra20-2”, iha Postu Administrativu Laga, Munisipiu Baucau. (Foto: STL/Efizenia da Costa)