Deputadu sira hakarak hamenus orsamentu retifikativu hosi Governu timoroan nian

Komisaun C hosi Parlamentu Nasional timoroan nian, iha loron-tersa ne'e, hakarak hamenus hosi dolár millaun 391 ba 284 iha folin hosi orsamentu retifikativu ne'ebé Governu aprezenta, konsidera katak restu sei hasai hosi saldu sira hosi fundu atuál sira.

Iha konkretu, subliña iha relatóriu hosi análize testu Governu nian - ne'ebé hahú iha loron-tersa ne'e sei debate iha plenáriu - katak diferensa tenki hasai hosi fundu sira infraestrutura sira, kapital ema nian no fundu konsolidadu hosi Timor-Leste ka hosi konta tezouro nian.

Entendimentu hosi komisaun ne'e konsidera katak proposta retifikasaun nian "kumpri jenerikamente prinsípiu sira hosi jestaun orsamentu nian", maibé alerta ba gastu adisional hodi aumenta levantamentu sira iha Fundu Petrolíferu (FP) nian.

Nota katak iha kazu ne'e dependénsia orsamental hosi FP pasa hosi 88,23 ba 90,72%, ne'ebé sei afeta folin hosi rendimentu sustentável hosi fundu iha tinan hirak tuirmai ne'e.

Tanba impaktu finanseiru boot hosi volume gastu ne'e, deputadu sira konsidera "importante" atu Governu selu tusan sira ne'ebé iha ho fatin seluk, balun hosi tinan antigu sira, "hodi bele hamenus efeitu aat sira tanba falta likidez iha empreza sira, ne'ebé ladún di'ak bolu hodi selu despeza sira Estadu nian".

Situasaun ida ne'ebé deputadu sira hosi komisaun "haree antes iha tinan barak nia laran no alerta ona ezekutivu iha okaziaun oioin".

Maibé, iha kazu ba orsamentu retifikativu nian konsidera katak kontempla de'it pagamentu tusan sira ne'ebé la'ós relasionadu finanseiru ho "kapital dezenvolvimentu nian" bainhira falta selu "volume maka'as ida tusan nian" iha sasán no servisu sira.

Iha dokumentu orsamentu sira, Governu esplika katak orsamentu retifikativu destina hodi selu projetu infraestrutura importante sira ne'ebé avansa lalais tebes duké previstu", subliña katak hanesan projetu importante sira hodi harii baze sira ba "dezenvolvimentu sustentável iha tempu naruk, ne'ebé halo hosi área privadu".

Tuir Governu, alokasaun orsamental ne'ebé hanoin ba dala uluk "la to'o hodi taka projetu sira hotu infraestrutura nian ne'ebé agora daudaun hala'o to'o tinan ne'e nia rohan" no katak lahó Orsamentu Retifikativu, despeza hosi kapital adisional ne'e tenki konsidera iha konta públiku sira tinan 2017 nian.

"Aumenta orsamentu kapital iha 2016 sei permiti aselerasaun hosi benefísiu ekonómiku sira ba nasaun no sei kontribui ba diversifikasaun ekonómiku", nia esplika.

Governu, ne'ebé lidera hosi primeiru-ministru, Rui Maria de Araújo, iha loron-tersa ne'e marka prezensa maka'as iha Parlamentu Nasional ba debate no votasaun iha jeneralidade hosi proposta ba orsamentu retifikativu nian.

SAPO TL ho Lusa