DILI,
(ANTIL) – Sekretária Estadu Muller (SEM) Veneranda Lemos hatete, feto sira
ne’ebé eleitu ba xefe suku, servisu la’ós fasil, servisu todan, tanba ne’e buka
atu husu nafatin, aprende nafatin atu bele lidera suku hodi bele moris iha paz
no dame.
Ba
ANTIL iha Parlamentu Nasionál, Tersa, (15/11), nia hato’o parabens ba feto sira
ne’ebé eleitu nu’udar lideransa komunitaria no enkoraza nafatin sira seluk atu
bele partisipa nafatin ba futuru.
“Partisipasaun
feto sira nian hatudu momos katak feto Timor-Leste brani tebes atu partisipa
iha dezenvolvimentu nivél polítika nasaun nian”, Veneranda Lemos hatutan.
Partisipasaun
feto TL iha vida polítika kapas tebes, liu-liu iha azean pasífiku boot tebes ho
pursentu 38, molok eleisaun suku iha ona pursentu 2 maibé hafoin eleisaun suku
iha tinan ne’e hetan pursentu maismenus 5 to’o 7.
Tuir
SEM, ho involvimentu feto iha vida polítika importante tanba SEM servisu
hamutuk o Fundasaun Patria no Caucus atu enkoraza feto ba eleisaun sira iha
nivél lokál no eleisaun jerál ne’ebé sei akontese iha 2017. (jornalista: Zezito
Silva; editora: Rita Almeida)
Foto:
Sekretaria Estadu asuntu Muller, Veneranda Lemos.
Sem comentários:
Enviar um comentário