DILI,
(ANTIL) – Deputada bankada partidu Congresu Nasionál Rekonstrusaun Timor
(CNRT), Bendita Magno husu ba feto Timor-Leste atu brani partisipa iha vida
polítika tanba oportunidade estadu laiha rezerva.
“Ha’u fó korajen ba feto timoroan sira,
liu-liu juventude sira tenke halo esforsu maka’as hodi partisipa iha polítika
hodi lori nasaun ba oin,” deputada Magno ba jornalista sira iha Parlamentu
Nasionál relasiona ho komemorasaun loron feto nasionál iha parlamentu, Tersa,
(15/11).
Nia
dehan, nasaun ne’e atu dezenvolve la’ós presiza mane de’it maibé, feto nia
partisipasaun mós importante tanba, agora iha parlamentu feto nia kuota
pursentu 39 ne’ebé garantidu hosi lei.
Tuir
Bendita bainhira diside-án ona atu mete iha polítika tenke aprende hamrik ho
prinsípiu.
Nune’e
mos Prezidenti PN, Aderito Hugo da Costa reforsa, feto lubun ida mak kontribui
ona sira nia sakrifisiu ba luta libertasaun, hodi ohin loron hetan liberdade.
Merese atu Timoroan tomak inklui feto ne’ebé mak sei iha ne’e hakruk no
respeita sakrifisiu tanba matenek no brani ajuda mane hodi funu hasoru iminigu
iha tempu kolonialismu.
Ezemplu
konkreta mak hanesan eroína Maria Tapo, Rosa Muki Bonaparte no maluk sira seluk
tenke fó onra.
Sekretária
estadu apoia sosiu ekonomia ba feto, Veneranda Lemos dehan, Maria Tapo hanesan
feto ne’ebé lidera nia maluk hodi hasoru forsa Indonézia iha tinan 1975 to’o
mate de’it iha batalla.
“Maria
Tapo mate tanba hakarak povu Timor Leste ukun rasik-án,” Veneranda Lemos afirma.
Hodi hatutan, funu nia laran feto mos kontribui iha frente hotu-hotu, ne’ebé
feto brani halo polítika, maibé ida ne’e sura ho mane sira nia apoiu. (jornalista:
Manuel Pinto; editora: Rita Almeida)
Foto:
Deputada Bendita Magno iha selebrasaun loron feto nasionál iha Parlamentu
Nasionál, Tersa, (15/11). Foto ANTIL
Sem comentários:
Enviar um comentário