DILI
- Reprezentante povu iha Uma Fukun Parlamentu Nasional garantia diskusaun
Orsamentu Jeral Estadu 2017 laempede, deputadu sira atu halo diskusaun ba lei
pensaun vitalisia, tanba lei nee hein deit komisaun eventual lori ba plenaria
hodi halo diskusaun.
Membru
PN husi bankada Fretilin Paulo Monis Maia hateten, Diskusaun OJE 2017 La
empede, deputadu sira atu halo diskusaun ba lei pensaun vitalisia, tanba
hakarak ka lakoin OJE nee tenke diskute iha tempu neebe maka determinadu.
Ita
labele tanba lei pensaun vitalisia ita tenke rai hela OJE 2017 nee labele,
tanba OJE nee importante atu ita diskute urjenti atu nunee bele ejekute anu
fisikal tinan foun oin mai, depois diskusaun OJE maka ita diskute fali
lei pensaun vitalisia,” dehan deputadu Paulo ba STL, iha PN, Dili, Kuarta
(16/11/2016).
Nia
dehan, sistema Parlamentu Nasional kuandu proposta Orsamentu Governu hato
mai PN, nee aktividades hotu hotu iha PN tenke para, tanba OJE nee prioridade,
neebe lei pensaun vitalisia, komisaun eventula PN sei diskute hela kuaze besik
hotu ona, hein atu lori mai plenaraia para hetan aprovasaun deit.
Iha
fatin hanesan xefi bankada CNRT Natalino dos Santos hateten, OJE 2017 buat ida
importante los ba rai ida nee, tanba nee kuandu tama ona buat hotu hotu para
tanba OJE nee hanesan ran makina ba estadu nian.
Entretantu
Observador politika Jose da Costa hateten, Parlamentu Nasional oras nee prokupa
liu ho diskusaun Orsamentu Jeral Estadu 2017, hodi haluha tiha lei pensaun
vitalisia neebe maka durante nee ema hotu kestiona. Informasaun kompletu iha
STL Jornal no STL Web, edisaun Kinta (17/11/2016). Carme Ximenes
Suara
Timor Lorosae
Sem comentários:
Enviar um comentário