KRM Hakanek Forsa KOK, Filomeno Paixão:“Forsa Sei Lahalo Tan Aprosimasaun’’

Vise Xefe Estadu Maior Jeneral Falintil – Forsa Defeza Timor Leste (F-FDTL), Brigadeiru Jeneral Filomeno Paixão de Jesus, afirma, pozisaun komando kontinua halo operasaun ba Grupu ilegais Konsellu Revolusaun Maubere(KRM) no sei laiha tan aprosimasaun.

“Akontesimentu ne’ebe maka hakanek membru Komando Operasaun Konjunta ‘HANITA’ Leonito Magalhães ne’e operasaun ba futuru laiha ona aprosimasaun tan ba Mauk Moruk ho nia elementus, maibe parte KOK sei hein desizaun husi Govenu no Estadu,”hatete, Vise Xefe Estadu Maior Jeneral Falintil – Forsa Defeza Timor Leste (F-FDTL) Brigadeiru Jeneral Filomeno Paixão de Jesus, liu husi konferensia ba Imprensa, iha Quartel Jeral F-FDTL, Fatuhada, Dili, Segunda (29/06).

Durante operasaun ba grupu ilegais Konsellu Revolusaun Maubere (KRM) ne’ebe lidera husi Paulino Gama ‘Mauk Moruk’ hakanek ona Komando Opersaun Konjunta husi membru PNTL nain 5 no F-FDTL 1.

Relasiona ho Grupu Mauk Moruk (MM) ataka no tiru kanek membru Komando Opersaun Konjunta (KOK) ida iha parte ain rua, bainhira membru KOK halo emboskada ba paradeiru Mauk Moruk iha area Aldeia Atelari, Suco Sagadate, Postu Administrastivu Laga, Munisípiu Baucau.

Akontesimentu tiru malu ne’e iha Domingo (28/06) dadersan mais u menuz tuku 10:00 Otl, no rejulta membru KOK ida hetan kanek iha parte ain rua tanba hetan tiru husi grupu MM.

Situasaun ne’ebe akontese, Membru Falintil – Forsa Defesa Timor Leste (F-FDTL), nebe ho naran Leonito Magalhae, sai vitima nebe hetan kanek parte ain rua tanba hetan tiru ho kilat no ain sorin – sorin kilat musan borus parte karuk no kilat musan belit iha ain sorin lós, tanba kilat musan belit obrigatoriu tenke evakua mai Hospital Nasional ho aviaun MAF hodi halo tratamentu saude.

Bainhira husu konaba, meius operasaun seluk ne’ebe maka KOK uza hodi kaptura Mauk Moruk Ho nia elementus, Paixão hatan ho liafuan badak deit katak ne’e segredu Operasaun HANITA nian.

“Operasaun ida ida naton husi senhor General Lere ho komisariu maka tau naran HANITA, klaru katak situasaun ne’e muda bele mosu proposta seluk hodi tau naran seluk maibe o que sertu modalidade ne’e maka ami uza agora ba oin modalidade seluk ona,”Paixão Promete.

“Definisaun agora nia(Mauk Moruk,red) definisaun kontinua Adversariu, Belizirante ka nia Inimigo, hau dehan durante ne’e Forsa Defesa no Polisia Nasional Timor Leste iha operasaun ne’e ami sempre buka halo aprosimasaun, ami sempre buka oinsa mak lori sira mai ho diak hodi hatan ba Justisa,” dehan Paixão.

Tanba ne’e, Filomeno dehan, operasaun HANITA sei hato’o kestaun operasaun, ne’ebe maka grupu ilegais sira uza armas hodi hakanek membru KOK ba Governu no Estadu hodi muda regras empenamentu, tau estadu emerjensia iha fatin movimentasaun KRM hodi fasilita operasaun hodi kaptura sira.

“Pozisaun Komando nian mak ohin hau dehan ona, grupo ne’ebe ita dehan adversario, belizirante agora ami bolu grupo ne’e inimigu, klaru que ami hein definisaun diak liu ba nia (Mauk Moruk,red) husi ita nia poder politiku no Governo” nia dehan.

Filomeno hatutan katak, durante konteudu husi Operasaun HANITA, halo aprosimasaun hodi lori MM ho nia elementus sira fila ho diak hodi hatan ba Justisa,laos atu tiru ka oho Mauk ho nia elementus sira, maibe mosu reajen seluk husi Grupu KRM hasoru operasaun HANITA.

Paixão klarifika katak, mandatu no obrigasaun HANITA maka kaer Mauk ho nia elementus hodi entraga ba polisia, polisia maka sei lori ba entrega iha Tribunal.

“Kuandu ami to’o iha ne’eba (parte leste red ), buka ho diak atu lori nia mai, sira reaje ho kilat, tantu atu hatete deit katak ami nia pozisaun maka ba oin konsidera sira inimigu (forsa sei atua ho forsa),” Paixão afirma.

Filomeno informa mos, bala musan nebe mak hakanek membru KOK ne’e, staril ona iha hospital, i komforme observasaun, rezumu que Pistola Glok nian, maibe sei ba fali spert hodi bele hare nune spert sira bele deklara rasik bala musan saida nian.

Nian dehan, akontesimentu ne’e akontese banhira operasaun HANITA to’o iha lokal akonetementu husu sira atu tun, i iha momentu ne’e la espera katak MM ho nia membru sira halo reajen ho pistola ka kilat ne’ebe maka spert sei idanetifika.

Nia haktuir ,Bazeia ba regras anterior Operasaun HANITA, Komando halao operasaun no halo reaje banhira iha tirus hasoru forsa opersaun Konjunta.

Nia infroma mos, akonstesimentu horbainruak, to’o agora forsa sira kontinua mantein hodi halo persegisaun ba Mauk Moruk ho nia elementus sira ne’ebe maka sai ona hanesan inimigo.

Maske nune’e, nia dehan la’os fasil kaptura nia (Mauk Moruk,red), tanba problema teknologia no problema falta koperasaun falta ajuda husi komunidade lokal difikulta komando kaptura. eus

Jornal Nacional