SOSIEDADE SIVIL TENKI DINÁMIKU HO POLÍTIKA GOVERNU

Orgaizasaun sosiadade sivil sira tenke dinamiku ho politika Governu nian, hodi kontribui ba dezenvolvimentu nasaun no melloria kondisaun moris povu nian.

Primeiru Ministru Rui Araújo dehan, Organizasaun sosiadade sivil no komunikasaun sosial iha kada nasaun ida-ida, hala’o sira nia papel fundamental, hodi akompaña lala’ok ezekusaun orsamentu no politika Governu nian, kontribui ba dezenvolvimentu no melloria kondisaun moris nian.

“Hau enkoraja sosiadade sivil sira atu sai dinamiku no forte liu tan iha ita nia nasaun, hamutuk ho Governu, i sertor emprezarial no rezensaun internasional, para bele benefisia nasaun no povu,”dehan Primeiru Ministru Rui Maria de Araújo iha nia diskursu hodi ensera enkontru II forum sosiadade sivil Comunidade dos Paises de Lingua Portuguesa (CPLP) ne’ebé hala’o iha MNEK Dili, Sesta (17/7).

Nia dehan, Sosiadade sivil bele sai hanesan parseiru ne’ebé importante tebes ba Governu, hodi kompremete ninia parseria no funsaun servisu ba populasaun, no iha mós papel ida kona-ba monitorizasaun ida ne’ebé lori ba reflesaun ida kona-ba atividade Governu nian, hodi premite progresu sosial.

Xefe Governu ne’e informa ba sosiadade sivil sira husi nasaun membru nasaun CPLP sira katak, iha Timor Leste fó importansia ba parseria ho sosiadade sivil, ba dezenvolvimentu nasional.

Rui Araújo esklarese, molok Timor Leste atu ukun rasik an, organizasaun sosiadade sivil nian, fundamental tebes luta ba livertasaun nasional nian. Tanba ne’e, Governu sempre sura partisipasaun ativa sosiadade sivil nian ba prosesu dezenvolvimentu nasaun nian.

“Ami asina tiha ona akordu finansiamentu ho organizasaun sosiadade sivil 67, ho objetivu atu promove sira nia partisipasaun iha área multi setoral, ho forma atu aumenta bens estar populasaun nian,”afirma Rui Araújo.

Xefe Governu ne’e esplika, akordu ne’ebé Governu Timor Leste halo ho sosiadade sivil sira ne’e, aposta liu ba área sira ne’ebé prioridade liu hanesan, Agrikultura, Edukasaun, Saúde, no Infraestruturas bazikas, tanba área hirak ne’e, fó impaktu direita ba moris povu nian husi loron ba loron.

Rui Araújo esklarese, governante sira mós iha esforsu koletivu, ne’ebé sempre preokupa atu hetan politika ne’ebé atu lori ba konstrusaun sosiadade ne’ebé demokratiku ba povu.

Xefe Governu ne’e mós fó parabens ba Comunidade dos Lingua de Portuguesa, tanba halo ona Tinan 19.

Rui Araújo dehan, durante semana ida nia laran, sosiadade sivil CPLP sira hala’o reuniaun, hodi tau hamutuk hanoin kona-ba lalaok dezenvolvimentu iha Estadu nasaun membru CPLP sira.

“Hau hein katak, eventu kultural no traballu ne’ebé ita konsege partisipa tiha ona, sai hanesan palku atu partilla esperensia nian, ideias i sinerjia, ne’ebé husik atu rekoñese atu lori valor ekonómiku, identidade komum sosiadade sivil CPLP nian,”tenik Rui Araújo.

Nia hatutan, iha nasaun membru CPLP ida-ida nia laran, organizasaun sosiadade sivil no komisaun relizioja sira, liders no partidades sira, tenke hetan samada atu bele servisu iha parseria ne’ebé besik liu ho Governu.

Rui Araújo relata, vitaliadade demokrasia ne’e mós, konsege ho partisipasaun organizasaun sosiadade sivil nian, nomós ho promosaun partikular ida ne’ebé inkluziva.

“Ejistensia komunidade sivil dinamika ita nian, ida ne’e diversikada final ne’ebé maturidade demokratika nian, no valoriza ba nia an rasik, atu halo avansu ba sosiadade,”katak Xefe Governu Timor Leste ne’e.

Nia haktuir, iha xamada ida ne’e, hot-hotu hetan xamada atensaun atu partisipa iha konstrusaun kada nasaun ida-ida nian, atu bok an ho seriadade no responsabilidade, i promove dialogu ne’ebé ho neon ho laran, entre Governu no sosiadade sivil.

Tanba Rui Araújo dehan, hanesan mak nasaun membru CPLP sira bele hetan forma ida atu bele bok an ho responsabilidade liu, ne’ebé lori benefisiu ba hot-hotu.cos

Jornal Nacional