Laiha Karta Kondusaun PNTL Kaptura Angela Freitas Ho Nia Kaben

DILI - Polisia Nasional Timor Leste (PNTL) kaptura Angela Freitas ho nia kaben tamba surat kareta mate, no nia kaben neebe sai hanesan kondutor ba kareta neebe sira lori nee laiha karta kondusaun ou Sim.

Tuir Komandante Jeral Polisia Nasional Timor Leste (PNTL) Comisariu Julio da Costa Hornay katak, Polisia sira kaptura Angela Freitas la tan buat seluk, maibe tamba deit karta kondusaun laiha, tamba tuir lei Tranzitu nian hateten ona katak, ema neebe lori kareta ho motor tenke iha karta kondusaun, karik laiha maka Polisia tenke halo prevensaun.

Hau hanoin kapturasaun nee laos tamba buat seluk maibe tamba deit kondutor neebe maka lori kareta nee laiha karta kondusaun no karta kondusaun iha duni laos Timor nian, maibe Indonesia nian fali, tamba nee maka Polisia Tranzitu Distritu Dili foti sira hodi lori ba halo prevensaun iha Sela Polisia, no Sra Angela Freitas Polisia haruka fila ba uma no kondutor neebe laiha karta kondusaun maka oras nee sei iha hela sela Polisia,” dehan Komjer Julio ba Jornalista sira Kinta(13/08/2015) iha nia knar fatin Kaikoli Dili.

Nia informa liu tan katak, laiha buat seluk Polisia kaptura Angela Freitas ho nia kaben, maibe tamba karta kondusaun laiha, tan nee polisia halao nia knar hodi lori sira ba hatan iha kantor Polisia.

Too notisia nee hatun STL seidauk hetan konfirmasaun hosi Angela Freitas ho nia kaben, konaba kaptusaun polisia ba nia Angela ho nia Kaben. Informasaun kompletu iha STL Jornal no STL Web, edisaun Sesta (14/8/2015). Madalena Horta/Lucia Ximenes

Suara Timor Lorosae