PNTL-FDTL Sei Apoiu Siguransa Ba Mate Isin Mauk Moruk Ho Nia Membru Nain 3

DILI - Polisia Nasional Timor Leste (PNTL) ho Falintil Forsa Defeza Timor Leste (F-FDTL) sei fo apoiu siguransa ba Mate isin Paulino Gama alias Mauk Moruk, ho nia membru nain 3, hosi Dili ba too iha Laga-Salari, munisipiu Baucau.

Tuir Komandante Jeral PNTL Comisariu Julio da Costa Hornay katak, familia Mauk Moruk hanesan L-4 koalia liu hosi Telefone ho Komadante Jeral PNTL hodi hateten katak, familia sei la hanoin atu halo problema ba prosesu mate nee, no halo problema ba mos atu halo saida, Mauk mate ona ema hotu hamotuk hodi halo prosesu funebre.

Hau hanoin ita tenke kopera malu atu nunee prosesu funebre nee bele lao diak, tamba familia sira lakohi ema seluk atu politiza fali mate ida nee, tamba nee ita nia forsa sira ho siguransa sira sei fo apoiu seguransa hosi Metinaro ba too Manatutu ita asegura hamotuk ho forsa sira no sei simu fali hosi siguransa hosi Baucau too iha Laga,” dehan Komjer PNTL Julio ba Jornalista sira, Kinta (13/08/2015) iha nia knar fatin Caicoli Dili.

Nia informa liu tan katak tuir informasaun hosi L4 uluk sira haruka Mauk atu mai intrega aan, maibe Mauk Rasik lakohi no hakarak atu subar tun sae.

Iha parte seluk Komandante PNTL Esquadra Laga Sargentu, Duarte Ximenes (Soru) hatete, familia komesa rona banhira Mauk Moruk mate, familia komesa halibur malu hodi hein mate isin neebe maka sei desloka mai. Informasaun kompletu iha STL Jornal no STL Web, edisaun Sesta (14/8/2015). Madalena Horta/Lucia Ximenes

Suara Timor Lorosae