Ministeriu
Edukasaun (ME) fasilita Bileti Identidade (BI) ba estudante hamutuk 19 hodi
kontinua sira nia estudu iha Portugal.
Ministru Estadu
Kordenador Assuntu Sosiais no Ministru Edukasaun, Antonio da Conceição hatete
estudante nain 19, nain 5 sira nia inan aman mak fasilita sira ba estuda iha
Portugal no nain 14 seluk hetan apoiu husi Uniaun Europeia.
“ME la fo bolsa
estudu, maibe fasilita deit bilite identidade ba sira hodi bele tama ba
Portugal,” hateten Antonio Conçeição, Tersa (21/9/2015).
Estudantes 19 ne’e,
kompostu husi mane nain 16 no feto 3, ne’ebe Kinta (24/9/2015), husik hela
Timor Leste hodi kontinua sira nia estudu nivel akademiku durante tinan 3 iha
Portugal.
Iha biban ne’e,
Antonio Conçeição informa katak, bolseiru Timor oan ne’ebe halao hela sira nia
estudu iha area oi-oin iha Portugal kuaze ema 3.000-resin.
Iha Filipina,
Thailandia ho Indonesia mos, Timor oan lubuk ida kontinua sira nia estudu.
Tanba ne’e, Ministru Antonio Conçeição, sei koalia ho Primeiru Ministru (PM),
Rui Maria de Araujo ho Ministru Planeamentu no Investimentu Estratejiku (MPIE),
Xanana Gusmão, atu loke tan oportunidade bolsu estudu selektivu ba Timor oan
atu kontinua sira nia estudu iha rai liur. nia
Jornal Nacional
Sem comentários:
Enviar um comentário