Pelumenus polísia nain tolu mate hosi atake separatista iha Papua indonézia

Pelumenus polísia nain tolu mate no seluk hetan kanek iha atake ba eskuadra polísia nian ida hosi separatista  sira iha parte indonézia Illa  Papua nian, tuir fonte polisiál ne’ebé fó sai iha ohin.

Badrodin Haiti, hosi Polísia Nasionál, afirma katak  atake ne’e akontese iha domingu kalan ne’ebé maka  rebelde sira  na’ok kilat  no munisoins iha instalasaun polisia nian iha distritu Puncat, informa diáriu The Jakarta Globe.

Asaltu ne’e akontese  hafoin loron- rua viajen  Prezidente indonéziu, Joko Widodo, ba distritu seluk maka pretense ba  Jakarta iha illa ida ne’e hotu, territóriu ne’e hafahe  entre  autoridade  Indonézia  no Estadu Papua Nova Guiné.

Rejiaun Papua hanesan  zona ida ne’ebé subdezenvolvidu liu iha Indonésia maski nia riku iha rekursu naturál no matériál-prima, maibé iha konflitu separatista ida  ne’ebé hahú kedas iha 1963.

Aspirasaun independentista no esplorasaun maka sai hanesan diferensa boot iha territoriu ne’ebá,  impaktu hosi vida tribus lokál, sai hanesan figura ida ne’ebé sempre hamosu instabilidade.

Besik  soldadu indonézia rihun 30 destaka ona iha Papua atu kombate  movimentu separatista sira.

Rejiaun ne’e hetan  estatutu autónomu espesiál dezde 2001, maibé iha  populasaun balun kontinua  ezije  independánsia hosi Jacarta no Komité Nasionál Papua Osidentál reklama atu realiza referendu  autodeterminasaun ida.

SAPO TL ho Lusa