Horta: “Veta OJE Laos Problema Boot”

DILI - Tuir Eis Prezidente Republika Jose Ramos Horta katak Prezidente Republika Taur Matan Ruka, veta Orsamentu Jeral Estadu 2016 nian nee laos problema boot, maibe presiza sira nia konsensia, hodi aprova orsamentu para la bele impata ezekusaun.

Tuir Horta katak veta OJE 2016, nee Direitu kostitusional Prezidente Republika, ema hotu-hotu hatene, tamba Prezidente Taur sukat buat neebe tuir nia konsensia, tuir nia analiza.

Tamba nee hau la komenta katak dezisaun nee los ka lalos, maibe Parlamentu nasional mos iha direitu, haree haruka fila-fali, la book lina oan ida mos nee sira nia direitu, Prezidente iha prerogative kostitusional bele haruka ba Tribunal para here faktu legal balun, neduni veta orsamentu nee laos problema boot ida,” hateten Horta, ba Jornalista sira, hafoin remata fo nia deklarsaun ba tribunal, sai sasin ba Arguida Emila Pires, iha Tribunal Distrital Dili, Sesta (08/01/2016).

Eis Prezidente nee mos fo ezemplu katak veta orsamentu mundu akuntese kuaze loro-loron, iha Amerika Prezidente Obama asina lei ida tuir nia inisiativa haruka ba Konesus, Konesus la aprova, Konesus haruka buat ruma ba Prezidente, Prezidente la aprova nee normal iha prosesu demokratiku.

Nune Prezidente mos laos Amu Bapa, laos Maromak, tamba nee buka solusaun tenki tuur koalia, para governu espelika.

Nune mos PM Rui ho Xanana inklui bankada sira iha Parlamentu Nasional haraik aan ba koalia ho Prezidente Taur, Prezidente mos haraik aan oituan hodi rezolve nee laos komplikadu, nee simples los. Se la hetan solusaun, sira hotu-hotu sala ona no sira hotu-hotu la hatudu sira nia matenek.

Tuir Diretur Ezekutivu Asosiasaun HAK Manuel Monteiro katak Prezidente Republika Taur Matan Ruak Veta OJE 2016 nee, tamba nia hatene situasaun povu nia, tamba OJE nee la refleta duni ba nesesidade povu ninia. Informasaun kompletu iha STL jornal no STL Web, edisaun Sabado (9/1/2016). Joao Anibal/ Domingas Gomes

Suara Timor Lorosae