Joko Widodo Sei Vizita TL

DILI - Vise Ministru Negosio Estranjeiru Roberto Soares hatete, iha tinan nee Presidente Indonesia Joko Widodo sei mai, ho objetivu atu reforsa liu tan koperasaun bilateral entre Timor Leste ho Indonesia.

Ofisialmente ita sidauk anunsia buat nee, maibee defaktu preparasaun halo hela iha informasaun diskusaun neebe ita halo ona, hau fiar metin katak iha tinan ida nee Presidente Indonesia Joko Widodo sei mai, ho objetivu mak atu reforsa liu tan koperasaun bilateral entre Timor Leste ho Indonesia,” dehan Vise MNE Roberto ba STL, iha PN, Dili, Sesta (08/01/2016).

Nia hatete, Iha tinan kotuk presidente Republika Taur Matan Ruak ba vizita iha Indonesia, Primeiru Ministru mos ba vizita iha neeba.

Iha fatin hanesan membru PN husi bankada CNRT, Manuel Salsinha hatete, sira seidauk rona informasaun dehan Presidente Indonesia Joko Widodo atu mai, maibe karik mai nee diak liu tan, atu nunee bele rejolve prolema liu-liu konaba fronteira Timor Leste ho Indonesia, nunee mos Timor oan sira neebe mak sei iha Indoensia.

Entertantu membru PN husi bankada FRETILIN,Paulo Moniz Maia hatete, karik Presidente Republika Indonesia halo duni vizita mai Nasaun Timor Leste diak, atu nunee bele hametin liu tan lasu amizade entre TL ho Indonesia. Carme Ximenes

Suara Timor Lorosae