quinta-feira, 13 de maio de 2021

Estudantes Tenke Estuda

DILI, STLNEWS.co - Diretor ESJ no 4 Setembru, Sergio A.da Cruz dehan, maske dadaun nee iha aplikasaun konfinamentu obrigatoriu, maibe husu estudantes ida-idak nafatin estuda iha uma, ho nunee sira bele prepara um ho diak liu tan.

“Hau hatoo hau nian mensajen ba estudante sira hotu, atu husu malu ba materia sira neebe mak foti tiha ona iha eskola, atu foto copy tutan no estuda ho diak, atu nunee bainhira eskola fila ativa fali ou karik iha planu ruma ba TPC karik estudante sira preparadu tiha ona atu hasoru ida nee, kona ba halo prevensaun Covid-19, labele fo mensajen tanba agora dadauk nee professor no estudante sira laos iha area eskola nian, ”dehan Sergio ba STL, liu husi telefone, Kuarta (12/05 / 05 / 2021).

Nunee mos, Liliana Mendes da Costa, hanesan estudante segundu ano, husi ESJ no 4 Setembru dehan, los duni katak nuudar estudante tenke estuda nafatin, liu-liu materia neebe mak antes nee professor sira fo ona estudante sira, hanesan estudante livru nee tenke loke nafatin estuda.

“Nuudar estudantes livru nee tenke loke bebeik estuda, maske ita laiha aprendizajen, maibe iha uma mos tenke estuda nafatin,” katak nia *

Reportajen: Jacinta Sequeira | Editor: Ekipa STL

Sem comentários: