Italia Husu TL Apoiu ba Kandidatura Konsellu Siguransa

DILI - Estadu Italianu, agora kandidatu aan ba Konsellu Siguransa Nasoes Unidas, tamba nee sira husu Timor Leste (TL) nia apoiu, hodi fo suporta ba sira nia kandidatura nee.

Lia hirak nee hatoo husi Vice Ministru Negosiu Estranjeiru e Koopersaun Roberto Soares, ba Jornalista sira hafoin remata Embaixador Nasaun 4 entrega sira nia karta kredensial, ba Prezidente Republika Taur Matan Ruak, iha Palasiu Prezidensial, Aitarak Laran, Dili, Sesta (12/02/2016).

Embaixador Italia mai entega nina karta kredensial, depois mai ho sira nia proposta especial ida, husu Timor Leste atu apoiu sira nia kandidatura, Italia manifesta sira nia kandidatura tinan ida nee atu hanesan membru naun permanente, ba Konsellu Siguransa Nasoes Unidas, Konserteza sira mai husu para Timor Leste bele konsideira hodi fo apou ba sira iha futuru,” hateten Roberto.

Iha fatin hanesan Embaixador Italia mai TL Vittorio Sandalli hateten husi Prezidente Italianu nomeia nia sai Embaixador husi Italia mai TL, hodi servisu hamutuk atu hametin kooperasaun entre Italia ho TL. Informasaun kompletu iha STL jornal no STL Web, edisaun Tersa (16/2/2016). Joao Anibal

Suara Timor Lorosae