Kazu lepra iha Angola to'o ona 1.210

Oras ne’e kazu lepra iha Angola to'o ona 1.210 tuir notifikasaun hosi autoridade sira saúde nian, prisipalmente konsentradu iha Luanda no iha sentru nasaun nian, moras ne’ebé sei kombate liuhosi planu estratéjiku mak sei ezekuta iha tinan lima. 

Informasaun ne’e fó sai horisehik, iha kapitál angolana, hosi koordenadór Programa Nasionál Kombate Tuberkuloze noLepra nian, Celestino Teixeira, iha rohan hosi semináriu ida kona-ba moras, ne’ebé afeta liu-liu provínsia Luanda, Benguela, Bié no Huambo.

Kazu lepra iha Angola kontinua aumenta no tuir estimativa ema 8% resin ne’ebé afetada sei aprezenta deformasaun fízika tanba moras ne’e.

Tratamentu lepra bele inklui mós kuidadu primáriu ba saúde públika iha Angola, maibé autoridade saúde sira sei prepara planu asaun hodi kombate moras ne’e iha tinan lima, ho apoiu regulár hosi Organizasaun Mundiál Saúde (OMS).

Ministru Saúde, José Van-Dúnem, manifesta iha tinan kotuk preokupasaun ho aumentu kazu lepra iha nasaun horikedas 2010.

José Van-Dúnem hatete katak preokupasaun ne’e ho aumentu númeru totál pasiente sira-nian, iha kazu “multibacilares”, ne’ebé akontese ba labarik sira no inkapasidade tanba moras ne’e.

"Ha’u preokupa ho hafoin períodu diminuisau ba kazu foun, menus hosi limite eliminasaun ba moras mak konsidera hosi OMS, na’in ida hosi ema 10.000, ami observa aumentu lepra hahú hosi 2010", realsa governante angolanu ne’e.

SAPO TL ho Lusa