Pelumenus na’in 24 mate no 26 lakon tanba inundasaun no rai-halai iha Indonézia

Pelumenus ema na’in 24 mate no 26 seluk konsideradu lakon tanba inundasaun no rai-halai ne’ebé akontese iha Indonézia, informa horisehik autoridade lokál sira.

Udan-boot hamosu inundasaun iha Sentrál Java, ho uma rihun bee tama ka rai taka, informa portavós ajénsia dezastre nasaun nian, Sutopo Purwo Nugroho.

"Dadus inisiál hatudu katak impaktu inundasaun no rai-halai hamate ema na’in 24, aleinde 26 seluk ne’ebé lakon", tenik Sutopo iha komunikadu.

Imajen aérea hosi zona fó sai iha televizaun hatudu ema iha uma-leten hodi salva-an hosi bee nia forsa, ho kareta no uma sira iha bee no tahu laran.

SAPO TL ho Lusa