PM Rui Informa Programa Governu Ba PR Taur

DILI - Primeiru Mininstru (PM) Rui Maria de Araujo, enkontru ho Prezidente Republika (PR) Taur Matan Ruak, hodi hatoo informasaun konaba programa no kestones governu, hatoo mos kona ba vizita neebe PM Rui halao konaba ekonomiku mundial no kontaktu ho Xefi Governu Nasaun ASEAN.

Xefi Governu nee mos informa mos ba Prezidente konaba CPLP ninia, hanesan ema hotu hatene, TL asumi Prezidensial CPLP durante tinan rua e tuir planu inisial 17 too 19 de Juliu, tenki entrega ona Prezidensial nee ba Brazil, mas hanesan ema hotu hatene iha Brazil krizi politika iha neeba, tamba nee TL sei hein fila fali konfirmasaun husi Governu Brazil nia. Tamba nee informa ba Prezidente katak Ministeru Negosiu Estranjeiru kontinua halao kontaktus ho Brazil, para atu determina bainhira maka atu halo transizaun da Prezidenisal.

Hau Informa mos ba Prezidente konaba aspetu balun iha dezenvovimentu ekonomiku ho investementu Timor nia hanesan ita hotu akompania, hanesan iha sigunda liu ba sira halo konfrensia internasional ida investidores sira nia, partisipa investedores lubuk ida, governu hatoo ona ambiente investimentu ninia neebe governu durante nee buak esforsa atu hadia,” hateten PM Rui, hafoin remata enkontru ho Prezidente Taur, iha Palasiu Prezidensial, Aitrak Laran, Dili, kinta, (09/06/2016).

Informa mos ba Prezidente konaba dialogu politika neebe governu halo ho komunidade Eropeia, iha mos Segunda liu ba ema hotu hatene Uniao Eropeia iha TL, sai mos parseru dezenvovimentu importante, sira nia planu durante tinan lima nia laran, atu fo apoiu ba TL iha montante Milaun 95 euro, TL presiza koalia ho sira para hare oinsa apoiu ida nee mai TL.

Iha parte seluk  Diretor Eekutivu TradeInvestet, Arcanjo da Silva, mos hatete TL foin primeira ves realiza Konferensia Investimentu Internasional, tamba nee konfrensia nee importante tebes ba nasaun. Informasaun kompletu iha STL Jornal no STL Web, edisaun Sesta (10/6/2016). Joao Anibal

Suara Timor Lorosae