DILI, (ANTIL) – Parlamentu Nasionál (PN) husu Ministériu Obras Publika,
Transporte no Telekomunikasaun (MOPTK) atu koopera ho PN , liuhusi
Komisaun E, kona-ba servisu fiskalizasaun ba projetu konstrusaun estrada sira
iha sidade Dili.
Vise
Prezidente Komisaun E, Manuel Castro hateten ida-ne’e ba jornalista sira, Sesta
(14/10) hafoin halo fiskalizasaun obra estrada ida iha Dili.
“Iha
loron halo fiskalizasaun, ekipa husi MOPTK hanesan fontes ba obra, laiha ema
ida mak marka prezensa. Husi laboratóriu nasional no Ajensia Dezenvolvimentu
Nasional (ADN) de’it mak mai. Ami sente triste uitoan, tanba sira lakohi
servisu ho PN atu hadia buat ruma iha rai-laran. Tamba ne’e mak ami lamenta
uitoan, Ita-nia dívidas estadu mak bootliu iha área infrastrutura”, nia dehan
tan.
Antes
ne’e, Deputadu sira halo enkontru ida ho ADN no aseita atu halo verifikasaun ba
obra estrada Dili laran. Parlamentu Nasional haruka ona karta ba ADN no
MOPTK atu koopera hamutuk no prepara ekipamentus, laboratóriu atu tun ba terenu.
Tuir
Manuel, bainhira tama ona dívidas estadu, projeitu tenke liu-husi tenderizasaun
no kontratu, bazeia ba dezenhu. Maibé kompanhia balun halo tiha obra ida,
hafoin hamosu kontratu.
Atu
verifika obra ida, tuir Manuel, tenke iha kooperasaun husi Komisaun Permanente,
Komisaun Eventual akompanhamentu despeza estadu. (Jornalista: Julia
Chatarina/Editór: Otelio Ote)
Sem comentários:
Enviar um comentário