Rajuavel OJE 2017 Billaun 1.2

DILI - Deputadu bankada CNRT Arao Noe hateten,  planu ba OJE 2017, fo redusaun ba Billaun 1:2  nee rajuavel, tanba   2017  iha eleisaun boot rua, eleisaun ba Prezidensial hanesan mos ba Parlamentar.

Ita labele tau osan boot se lae labele ejekuta, tanba rajaun ida nee bazea ba situasaun uluk, iha eleisaun 2017 mos hanesan, ejekusaun orsamentu momentu ba iha eleisaun, ejekuta liu deit 50% ou pur volta 70 % deit, hanesan nee mos iha eleisaun 2012 mos hanesan pur volta 72%, nee katak aktividades partidaria nee makas liu, tanba nee maka ejekusaun nee lalao,” dehan deputadu Arao, ba STL, iha PN, Dili, Kuarta (12/10/2016).

Nia dehan, koalia konaba ejekusaun labele halo ejekusaun konkluzaun nee, iha meadu du anu ou terseiru trimestre ninian, tanba iha projetu boot sira neebe projetu fisiku. Tanba orsamentu 2016 nee barak liu maka iha fundu de kapital dezenvolvimentu, agora ejekusaun selu projetu nee tuir fase, tuir presentazen ninian ejekusaun kontruksaun se 100% selu, se seidauk to 100% selu 20%, tuir ninia faze.

Reprezentante povu nee haktuir tan katak,OJE 2017 bele iha pojetu foun, kuandu ida neebe maka nesesidade prioridade, I mos iha ona dezenu no BOQ, nee tuir akordu neebe ke iha reniaun ida neebe iha Ministeiru Negosiu Estranjeiru iha fulan tolu liu ba.

Iha fatin hanesan Vise bankada Fretilin Josefa Pereira Soares hateten depende ba saida maka sira hare iha portal de tranferensia ate Setembru dadauk liu ba, obrigasoens maka barak liu, ejekusaun real seidauk, ejekusaun real iha balu too ona 50 ital pursentu, barak liu nee maka to iha 60 pursentu.

Entretantu Diretor ONG Gertak Faustinho Magno husu ba Governu atu labele foti orsamentu Jeral Estadu 2017, labele liu billaun ida resin, tanba sei La ejekuta ho didiak. Informasaun kompletu iha STL Jornal no STL Web, edisaun Kinta (13/10/2016). Carme Ximenes

Suara Timor Lorosae