Reve Pensaun Vitalisia ho Presaun Laos Dalan Uniku

AILEBERE - Atu reve pensaun Vitalisia neebe sai prekupasaun povu Timor Laran tomak nian ho Presaun nee laos dalan uniku, tamba Parlamentu Nasional nudar orgaun soberanu neebe Timor oan hotu tenki respeita.

Liu husi Sesaun Husu no hatan durante Dialogu entre prezidente republika Taur Matan Ruak ho povu Suku Ailebere,postu Administrativu Iliomar Tersa (29/11/2016), Eurico Jeronimo nudar povu Ailebere Prekupa pensaun Vitalisia ba Eis Membru Orgaun Soberanu no eis titulares sira.

Pensaun vitalisia tamba saida mak la fob a veteranus sira neebe mak uluk luta ba ukun Aan maibe fo fali ba ema neebe ukun tinan 5 deit hetan pensaun vitalisia, hau husu pensaun vitalisia fo baVeteranu sira,” dehan Eurico.

Nia sujere ba Estadu halo revizaun ba lei pensaun vitalisia hodi foba veteranu sira neebe mak halo funu tamba oras nee veteranu barak mak moris kiak maibe ukun nain neebe ukun tinan lima remata mandatu hetan pensaun vitalisia.

Hatan ba Prekupasaun nee Prezidente Republika Taur Matan Ruak hatete Pensaun vitalisia ema barak koalia, maibe Parlamentu Nasional mak tenki disidi no sira orgaun estadu ida tan nee respeita desizaun neebe mak parlamentu foti. Informasaun kompletu iha STL Jornal no STL Web, edisaun Kinta (1/12/2016). Timotio Gusmao

Suara Timor Lorosae