DILI,
(ANTIL) – Eis Prezidenti Repúblika, José Ramos Horta kontente ho eleisaun
prezidensiál iha periodu ida ne’e tanba la’o hakmatek loos sein violénsia.
“Informasaun
ne’ebé maka ha’u simu hosi fatin bar-barak katak eleisaun la’o di´ak tebes.
Ha’u fiar katak partisipasaun eleitoradu sei ás,” Horta hato’o lia hirak ne’e
ba jornalista sira iha Eskola Báziku Matiaut, Postu Administrativu Kristu Rei,
Dili, Segunda ne’e.
Nia
apresia ho líder partidu polítiku sira tanba iha vontade boot hodi kontribui ba
estabilidade nasionál iha eleisaun prezidensiál. Premiadu Nobel da Páz haktuir
katak nia ko´alia ho líder partidu sira hotu katak sira (líder partidu
polítiku) orienta sira nia militante sira atu mantein disiplina no kria
estabilidade. (Jornalista: Xisto Freitas - Editora: Rita Almeida)
Foto:
Eis Prezidenti Repúblika, José Ramos Horta ezerse ninia direitu votu. Foto
ANTIL/Egas Cristovão
Sem comentários:
Enviar um comentário