Taur Husu Prezidente Foun hadomi Povu-Nasaun

DILI – Prezidente Republika Taur Matan Ruak husu kandidatura Prezidente Republika neebe povu fo fiar liu husi eleisaun tenki hadomi povu no nasaun, liu-liu povu neebe hela iha area rural susar asesu ba infrastrtutura baziku.

Taur nia esperansa ba Prezidente foun katak Timor Leste tenki iha prezidente neebe foun se laos iha fulan ida, iha fulan oin Timor Leste deside iha 20 Abril hanesan elisaun ikus ba prezidente neebe povu sei fo fiar.

Hau husu Prezidente eleitu atu tau matan liu-liu ferik no katuas sira iha foho neebe tebele rai lolon,la iha estrada, oan sira atu ba eskola susar, uma ladiak tau matan ba sira, ita sai prezidente no nasaun iha tamba sira,” dehan Taur ba Jornalista Segunda (20/03/2017) iha Sentru Votasaun Meti-Aut wainhira remata vota.

Nia husu ba Prezidente eleitu atu tau matan liu-liu ba ferik no katuas sira iha foho lolon, tabele rai lolon dala ruma Estrada laiha, oan susar ba eskola, uma ladiak tau matan ba sira.

Hatan kona ba Data elisaun Parlamentar, Taur hatete Data elisaun Parlamentar Prezidente foun mak fo, tamba seidauk foti desizaun kona ba data ba elisaun Parlamentar nian.

Iha fatin hanesan Xefi Suku Interino Meti-Aut Mateus Inacio da Costa hatete elisaun Prezidensial ba tinan 2017 kompara ho tinan hirak ba kotuk kuaze atu hanesan tamba laiha prolema neebe akontese tamba nee konsidera iha susesu.

Nunee mos Diretur ezekutivu Fontil Arseino Perreira hatete atu tuir votasaun bele halo iha neebe deit maibe presiza aktualiza baze de dadus nunee bele muda kartuan eleitoral. Timotio Gusmao

Suara Timor Lorosae