PM Rui: “Sidadaun Vota, Ita Simu Rezultadu Kontribui Ba Paz”

DILI – Primeiru Ministru (PM)Rui Maria de Araujo hateten sidadaun Timor Leste (TL) tomak, ohin loron 20  Marsu 2017  ezerse nia diretu ba vota, atu hili Prezidente Republika hodi ukun rai ida nee, maibe rezultadu neebe mosu sira tenke simu hodi kontribui ba paz no estabelidade, tanba kandidatura Prezidente nee hamutuk nain 8.

Sentru Votasaun iha Eskola Esinu Baziku Sentral 03 Bidau Akadiru-Hun, Suku Akadiru-Hun, Postu Administrativu Nain Feto, Munisipiu Dili,  loke tuku 07:00 dadersan otl, akompania husi fiskais,  observador husi Kandidatura Prezidente  ida-idak nia, hetan  siguransa masimu husi Polisia Nasional Timor Leste (PNTL) inklui reprezentante husi STAE no CNE.

Iha tuku 08:00 otl, Primeiru Ministru Rui Maria de Araujo ho nia espoza too iha sentru votasaun forma hodi Tuir vota, hafoin remata vota II Komadante PNTL, Komisariu  Faustino da Costa akompania husi Unidade Polisia Maritima inklui komponente Polisia  sira seluk kontrola situsaun no too iha fatin neebe Xefi Governu vota ba, hodi hare situsaun direitamente iha fatin nee.

Iha biban nee PM Rui Kontente tuir  votasaun Prezidensial hodi ezerse nia direitu tomak hili Prezidente  atu ukun  hodi tau matan ba povu no rai  ida nee.

Tanba nee hau apela ba populasaun tomak, atu ezerse ita nia direitu votu, ita hein katak rezultadu neebe maka mosu mai, ita hotu-hotu simu nudar sidadania kontribui ba paz no estabelidade iha ita nia rain,” hateten PM Rui ,ba Jornalista sira iha, sentru votasaun Eskola Esinu Baziku Sentral 03 Bidau Akadiru Hun, Suku Akadiru Hun, Dili, segunda (20/03/2017).

Xefi Governu nee aumenta tan katak durante ida nee, liu-liu iha kampania eletorais povu tomak kontribui no hatudu sira nia komportamentu diak tebe-tebes, hatudu sira nia matoridade sivika no hatudu katak valores demokratika, sira repeita diferensia opinoes, repetira diversidade iha eskolla ninia.

Husi Orgaun siguransa hanesan PNTL, halo serbisu atu bele mantein seguransa no ordem, sira hein katak aktu demokratiku ida nee, bele dignifika diak liu tan TL nia indepedensia no dignivika diak liu tan kostrusaun estadu nia.

Iha fatin hanesan Padre Juvito do Rego hateten nia mai tuir vota sente kontente, tamba nudar sidadaun mai ezersita sira nia eduksaun sivika nee direitu. Padre nee mos aumenta tan katak ema seluk ba vota, maibe nia hein kritika deit, nee folin la iha hotu, tanba nee tenke ba vota atu hili ida neebe hatene dehan katak ida nee soi atu reprezenta nasaun. Joao Anibal

Suara Timor Lorosae