Timor-Leste hakarak banku dezenvolvimentu luzófonu nian

Ministru ba Planeamentu no Investimentu Estratéjiku Timor-Leste nian, Xanana Gusmão, hatete iha loron-sesta ne'e katak nasaun apoia kriasaun hosi banku ida investimentu nian dedikadu ba nasaun luzófonu sira.

"Ami investe [iha dezenvolvimentu ekonómiku hosi nasaun sira ho expresaun portugeza], hodi fasilita abertura hosi banku internasional ida, iha Timor-Leste, ne'ebé sei permiti iha ajénsia sira iha nasaun balun no fasilita kréditu sira", governante timoroan ne'e hatete ba Rádio ONU.

Xanana Gusmão subiña ona katak koperasaun ekonómiku entre nasaun sira CPLP nian "la'ós hanesan problema fásil ida, hanesan problema kompleksu ida, tanba kolokasaun hosi nasaun ida-idak iha rejiaun sira ne'ebé la hanesan", maibé katak banku ida bele fasilita serbisu ne'e.

"Ita iha Brazil, ho nia problema sira. Portugal, ho nia problema sira. Ita iha problema hosi nasaun afrikanu lima, ho problema sira ne'ebé la hanesan, polítiku sira, finanseiru sira, hosi instituisaun sira (...), maibé ha'u fiar katak ami hahú ona [serbisu koperasaun ne'e] iha tinan liubá ho fórum ekonómiku CPLP nian", nia explika.

Maibé, Xanana Gusmão hatete "katak ekonomista sira ne'ebé koñesidu de'it maka bele ko'alia ho di'ak" kona-ba projetu ne'ebé sei iha faze dahuluk.

Banku ida hanesan ne'e bele halo tuir banati hosi instituisaun internasional sira, hanesan Banco do Sul, lansa hosi Hugo Chávez no ne'ebé, aleinde Venezuela, halo parte mós Arjentina, Bolívia, Ekuador, Paraguai, Uruguai no Brazil, ka banku ne'ebé halibur kolónia antigu sira britániku nian ne'ebé pertense ba Commonwealth.

SAPO TL ho Lusa