Pekin garanti aplikasaun ba Akordu Paris nian

Repúblika Popular Xina garanti ona iha loron-sesta ne'e aplikasaun ba Akordu Paris kona-ba alterasaun klimátiku hodi hametin pozisaun hafoin saída hosi Estadus Unidus ne'ebé fó sai hosi prezidente Donald Trump. 

"Ami hanoin katak Akordu Paris hanesan kompromisu boot hosi "komunidade internasional" kona-ba kestaun hosi alterasaun klimátiku. Parte sira ne'ebé envolvidu tenki proteje rezultadu sira ne'ebe hetan ona ho esforsu", hatete hosi Hua Chunying, porta-vós hosi Ministériu Negósiu Estranjeiru hosi Pekin.

Tuir deklarasaun ofisial, governu hosi Repúblika Popular Xina indika katak "sei foti medida konkretu sira" kona-ba alterasaun klimátiku.

"Ami mantén - ho sinseridade - ami nia obrigasaun sira", subliña hosi Hua Chunying.

"Hanesan responsabilidade ida Xina nian no hosi nasaun responsável boot sira hasoru nesesidade hosi dezenvolvimentu", hatutan hosi porta-vós hodi refere ba Akordu kona-ba alterasaun klimátiku sira.

Pekin kompromete kopera ho "membru sira hosi komunidade internasional, inklui Estadus Unidus" hodi halo avansa "dezenvolvimentu ida matak no livre hosi karbonu", hatutan hosi Hua Chunying.

Repúblika Popular Xina ho Estadus Unidus, hamutuk, reprezenta 40% hosi emisaun sira ne'ebé halo poluisaun, iha nível mundial.

Kompromisu sira hosi nasaun rua ne'e hanesan importante hodi hetan Akordu Paris iha tinan 2015.

SAPO TL ho Lusa