sábado, 3 de junho de 2017

PSIK Lansa Servisu 24 Horas ba Publiku

PARTILHAR
DILI - Polisia Centifika Investigasaun Kriminal (PCIK) lansa ona nia servisu durante 24 horas ho objetivu atu simu keixa husi komunidade sira nebe hasoru kaju krimi sira. No prontu mos atu fo atendementu prevensaun nebe lais no rapidu.

Lia fuan hirak nee hatoo husi Diretor Adjundu PCIK Adino Cabral ba jornalista sira liu husi konfrensia imprensa, neebe halao iha edifisiu PCIK Kaikoli Dili Sesta, (2/6/2017). Nia reforsa tan katak, PCIK geralmente fo sai informasaun ba publiku konaba funsionamentu nia servisu nebe hahu ona iha loron Kinta Feira 1 Juinhu 2017.

PCIK nee tuir lolos loke ona iha loron 1 Juinhu 2017 maibe foin halo lansamentu iha loron Sesta 2 Juinhu 2017 nee ofisialmente hato ba publiku konaba PCIK nia servisu ou pikete durante 24 horas no prontu ona atu fo atendementu ba komunidade sira nebe hakarak hato keixa konaba kaju krimi sira nebe mosu. Ami mos servisu hamutuk ho parte kompetente atu reforsa malu,” nia dehan.

Iha fatin nebe lahanesan Diretor Fongtil, Arsenio Pereira dehan katak PCIK nia servisu maka halao ona nia servisu 24 horas nee diak tebes atu bele atende kaju krimi sira nebe organijadu sira atu nunee rai ida nee bele livre husi krimi. Servisu sira nian mos tenki hare ba krimi organijadu seluk nebe mosu.

Diretor Judisial Sistem Monitoring Programe (JSMP) Luis Sampaio hatuir tan katak, tuir lolos PCIK nee hari ona iha tinan 2013 no 2014 liu ba. Maibe foin maka sira lansa sira nia servisu ba publiku durante 24 horas nee diak tebes. atu bele hare no investiga kaju kompleksu nebe involve aprosimasaun sientifika. Justinho Manuel

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: