DILI
- Too agora Eskola Baziku Central (EBC), Farol seidauk iha fos ba iha programa
merenda eskolar, tanba nee, provizariu semana ida nia laran, estudante sira sei
konsumu aifuan, fore mungu, supermi no manu tolun.
Tuir
Diretora EBC Farol, Irene Morato hatete, merenda eskolar nee foin dadaun sira
la halao, tanba laiha fos no laiha mos orsamentu, maibe komesa segunda semana
oin, sira komesa hahu ona programa merenda eskolar, tanba horiseik sira sei
halo enkontru ho koordenador eskola sira nee, hodi bele koalia konaba menu,
tanba atu halo fila-fali menu foun, tanba fos seidauk iha, neebe semana ida nee
nia laran halao deit buat neebe mak estudante sira bele han.
Hau
hanoin merenda eskolar nee foin dadaun ami la halao, tanba laiha fos no laiha mos
orsamentu, maibe komesa segunda semana oin, ami komesa hahu ona programa
merenda eskolar, tanba ohin ami nia gat sei halo enkontru ho koordenador eskola
sira nee, hodi bele koalia konaba menu, tanba atu halo fila-fali menu foun,
tanba fos seidauk iha, neebe semana ida nee nia laran halao deit buat
neebe mak estudante sira bele han, neebe ohin ami sei koalia ho koordenador
sira para atu halo fali menu foun, liu-liu hahan neebe mak estudante sira sei
han iha semana ida nee nia laran, tanba fos laiha,”dehan Irene ba STL iha nia knar
fatin Farol Dili, Sesta (02/06/2017).
Direitora
Irene, sublina, menu foun neebe mak estudante sira sei han semana ida nee nia
laran mak hanesan, fore mungu, susu ben, aifuan, me goren tau manu tolun, tanba
bainhira fo paun, labarik sira la kohi han paun, ida nee eskola uluk fo tiha
ona, maibe estudante sira la han paun.
Nunee
mos Vera Filipi Amaral Sarmento, hanesan Estudante, hatete, hanesan estudante
sira sente tristi, tanba programa merenda eskolar ida nee too agora
seidauk lao iha sira nian eskola, tanba nee, sira husu ba governu liu husi
Ministeriu Edukasaun (ME), atu bele haree no rezolve kestaun nee. Jacinta
Sequeira/Guilhermina Franco
Suara
Timor Lorosae
Sem comentários:
Enviar um comentário