terça-feira, 27 de junho de 2017

Unidade No Paz Mak Determina Futuru Dezenvolvimentu

PARTILHAR
DILI - Dezenvolvimentu atu lao diak persiza kria unidade no paz, husi aldeia too munisipiu. Tanba unidade no paz nuudar factor determina ba futuru dezenvolvimentu. Laiha unidade no paz mak dezenvolvimentu sei lalao ba oin.

Madre Juliana Marques, SSPS hatoo lia-hirak nee ba STL iha Salaun Madre Canosiana Becora foin lalais.

Tuir Madre Juliana katak, tuir nia obsevasaun durante nee iha ona dezenvolvimentu neebe lao, maske balun seidauk. Maibe ita agradese liu husi buat neebe ita nian ulun sira halo ona, husi premeiro governu too mai VII Governu, buat barak halo ona liu husi dezenvolvimentu nee rasik.

Maske nunee husu ba governu dezenvolvimentu importante tanba nee kria nafatin iha Timor laran tomak. Nunee mos husu mos ba komunidade sira atu dezenvolvimentu nee lao ba oin presiza mos povu Timor laran tomak nian partisipasaun liuliu kria unidade, paz iha ita suku laran atu nunee bele asegura prosesu dezenvolvimentu.


Hau husu mos ba iha governu neebe atu manan iha eleisaun parlamentar agora, ukun karik halo dezenvolvimentu diak liu tan, halo mos dezenvolvimentu iha munisipio seluk. Tanba munisipiu barak seidauk asesu diak ba estrada, edukasaun, saude no bee-mos, karik bele tun mos ba iha area rural atu haree kondisaun komunidade iha area rural,”katak nia.

Nunee mos, Xefe Suku Camea hatutan, nian haree dezenvolvimentu lao hela maibe sei lao neneik, governu hakaas-an makaas hodi halo dezenvolvimentu maibe sei iha dalan klaran. Tanba ita nia nasaun mos foin ukun aan iha tinan 15 nian laran tanba nee foin hahu dezenvolvimentu.

Tuir nia dezenvolvimentu atu lao ba oin persiza moris iha dame hakmatek nian laran. Liu husi dame no paz dezenvolvimentu bele lao ba oin. Laiha dame paz no establidade dezenvolvimentu susar atu lao ba oin.

Hanesan autoridade husu nafatin komunidade sira fo apoio ba programa dezenvolvimentu iha Suku Camea. Tanba iha buat barak seidauk lao ho diak, liu-liu liga ba iha imprasktruktura hanesan, estrada, bee-mos.

Iha fatin hanesan Xefe Aldeia Camea Manuel C. Feritas dehan, programa dezenvolvimentu neebe governu halao liu husi premeiro governsaun too mai governu agora senti lao diak. Maske neneik maibe sempre lao tanba nee tuir hau nian hare dezenvolvimentu lao ona.

Maske iha fatin balun seidauk sente kona-ba dezenvolvimentu maibe iha suku balun sente ona. Dezenvolvimentu lao ba oin persiza ema hotu nian kontribui, liu husi establidade, dame no paz, iha ona establidade, dame no paz mak sei laimpata dezenvolvimentu. *Est5

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: