terça-feira, 27 de junho de 2017

Parpol Balun Komesa Lansa Promesa Falsu

PARTILHAR
DILI - Partidu Politika (Parpol) oras nee komesa halo ona promesas bar-barak ba povu liu husi sira nia programa kampanha politika neebe lao dadaun. Maibe fiar katak promesas politika sira nee bele realija karik sira manan kaer ukun tinan lima mai.

Lia fuan hirak nee hatoo husi Xefe Suku Kampo Alor Alcina Carvalho dos Santos ba STL iha Hotel Timor Dili Tersa, (27/6/2017). Tuir nia observasaun jeral iha kampanha neebe lao durante semana ida nee diak teb-tebes.

Iha partidu balun nebe fo promesa ba komunidade Aitarak Laran karik manan iha elisaun.  Maibe lamanan tamba hotu-hotu mai ho komprimisiu idak-idak nian. Tamba hau rona husi komunidade katak parpol balun halo kampanha kualia hanesan nee. Karik mai parpol sira manan realija duni promesa nee hau agradese tamba nudar xefe suku. Parpol sira tama iha hau nia suku mos lafo kunhesementu ba Suku maibe fo deit kunhesementu ba Aldeia maibe ba hau laiha problema,” nia dehan.

Sekertariu Geral Conselu Juventude Timor Leste (CNJTL) Luis Mendes Ribeiro, S. Sos dehan durante sira nia fiskalijasaun ba kampanha eleitoral sira nebe lao durante nee iha munisipiu sira komesa hamosu ona promesa falsu ba povu, neebe ladun kumprende kona ba prosesu politiku. Tuir lolos ba hato nia programa laos ba halo promesas.

Adjuntu Diretor Fundasaun Mahein (FM) Joao Almeida nia observasaun injeral iha kampanha eleitoral nebe lao durante nee katak sedauk rejistu kaju insidente ruma iha prosesu kampanha nia laran. Justinho Manuel

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: