Uza Atributu Partidu Seluk Halo Kampania Kontra Lei

DILI - Deputadu bankada CNRT Arao Noe hateten, Lei eleitpral bandu atu partidu ida uza partidu seluk nia atributu hanesan bandeira, iha kualker aktividade partidu nian.

Se partidu ida uza partidu seluk nia atributu hanesan bandeira hodi halo kampania ka ba aktividadedes partidu seluk nee tenke hato keixa ba iha CNE para bele hola medidas,” dehan deputadu Arao ba STL, iha PN, Dili, Sesta (16/06/2017).

Nia dehan, Karik iha militante ruma maka lori partidu CNRT nia bandeira, ba partisipa iha kualker aktividade partidu seluk nian, seim autorizasaun husi partidu nee grave.

Iha fatin hanesan membru PN husi bankada FRETILIN Paulo Moniz Maia hateten, Partidu ida kuandu ba halo kampania maka uza fali partidu seluk nia bandeira nee kontra lei, CNE tenke foti medidas ba partidu sira hanesan nee, atu nunee labele hamosu problema.

Entretantu Joao da Costa hanesan observador politika hateten iha media sosial partidu ida kuandu afilia ba partidu seluk tenke lori ho atributu partidu seluk nian, tanba nee husu ba CNE atu foti medidas seriu. Carme Ximenes

Suara Timor Lorosae