sábado, 28 de outubro de 2017

Visi-primeiru-ministru Austrália lakon kargu tanba iha dupla nasionalidade

Visi-primeiru-ministru Austrália nian no líder hosi Partidu Nasional, Barnaby Joyce, iha loron-sesta ne'e lakon ona kargu hamutuk ho senadór na'in haat sira seluk tanba desizaun judisial ida ne'ebé ratifika proibisaun hasoru polítika sira tanba iha dupla nasionalidade.

Tribunal australianu ida desidi ona katak Joyce, ne'ebé iha nasionalidade australianu ho neozelandeza, hanesan "labele eleitu" hodi okupa fatin iha Parlamentu, nune'e halo partidu governante nian lakon ona maioria iha kámara.

Reprezentante na'in haat sira seluk hosi Senadu ne'ebé lakon fatin maka Fiona Nash, hosi Partidu Nasional, Malcolm Roberts, hosi One Nation, no Larissa Waters ho Scott Ludlam, hosi Green.

Sesaun 44 hosi Konstituisaun ba Senador sira no Membru sira hosi Parlamentu Austrália nian estabelese katak lejislador tomak tenki iha de'it nasionalidade australianu.

Austrália sei organiza eleisaun parsial sira hodi substitui parlamentu, no fatin mamuk sira iha Senadu sei fó ba ema sira seluk hosi formasaun polítika sira ne'e.

SAPO TL ho Lusa

Sem comentários: