quarta-feira, 22 de novembro de 2017

Líder parlamentar timoroan sira adia ajendamentu ba proposta sentura hasoru Governu

PARTILHAR
Líder sira hosi bankada lima hosi Parlamentu timoroan adia ona ba semana oinmai desizaun ida kona-ba ajendamentu hosi debate proposta sensura nian ne'ebé maka opozisaun maioritáriu fó sai iha loron-segunda ne'e hasoru governu.

Fonte parlamentar esplika ona ba Lusa katak líder sira desidi ona iha loron-tersa ne'e, durante reuniaun ida, kontakta Governu hodi hatene nia disponibilidade hodi ba iha debate iha plenáriu hosi proposta sensura nian.

Fonte hanesan esplika katak reuniaun hosi líder bankada sira konfirma de«it ba loron 04 Dezembru hodi hahú debate rekursu ne'ebé maka opozisaun aprezenta mós iha loron-segunda hasoru tramitasaun hosi Orsamentu Retifikativu.

Rejimentu admiti katak deputadu sira bele apela ba desizaun ruma hosi prezidente no, iha kazu ne'e, opozisaun kontesta admisaun ba tramitasaun hosi proposta lei hosi Orsamentu Retifikativu ne'ebé maka opozisaun kritika tanba konsidera katak Governu la aprezenta lahó prazu programa hosi ezekutivu.


Iha loron-segunda, opozisaun blokeia ona pedidu urjente ida iha tramitasaun hosi retifikativu no agora hakarak impede duni atu dokumentu ne'e to'o iha debate, maski tuir dalan formal nia tramitasaun hahú ona ho desizaun hosi prezidente hodi admiti dokumentu no haruka ba komisaun sira espesialidade nian.

Aprovasaun, hosi rekursu no mós hosi proposta sensura nian hanesan kuaze loos, tanba atual konfigurasaun parlamentar nian.

Ezekutivu, minoritáriu, apoia hosi deputadu na'in 23 hosi Frente Revolucionária do Timor-Leste Independente (Fretilin) - partidu ne'ebé hetan liu votu - no deputadu na'in hitu hosi Partidu Demokrátiku (PD), forsa polítika dahaat.

Opozisaun iha deputadu hamutuk na'in 35 ho na'in 22 hosi Congresso Nacional da Reconstrução Timorense (CNRT), na'in ualu hosi Partidu Libertasaun Popular (PLP) no na'in lima hosi Kmanek Haburas Unidade Nacional Timor Oan (KHUNTO).

Iha desizaun ida ne'ebé nunka akontese iha Timor-Leste, opozisaun aprova ona iha loron 19 Outubru liubá proposta ida hodi rejeita programa Governu nian no hili avansa ba proposta sensura nian - ne'ebé nia aprovasaun implika demisaun hosi Governu - tanba ezekutivu la entrega programa ba dala rua.

Bainhira Governu monu, xefe Estadu, Francisco Guterres Lu-Olo, tenki hili entre solusaun governativu foun ida iha atual kuadru parlamentar ka konvoka eleisaun antesipadu sira.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: