DILI,
(TATOLI) - Timor-Leste ho nia tasi ne’ebé nakonu ho bio diversidade, kultura
furak, ema mesak di’ak no istória ne’ebé úniku no ida ne’e sai hanesan
rekursu turístiku ne’ebé mak bele dezenvolve.
Ministru
Turizmu, Manuel Florêncio de Canossa Vong, hatete rekursu turístiku ida ne’e
atubele sai produtu turístiku presiza ema, teknolojia, no investimentu.
“Timor-Leste
iha keunikan ne’ebé mak fatin seluk laiha, ita iha rekursu turístiku
en termu relijiozu nian, turizmu kulturál, istóriku no natureza ne’ebé prontu
atu fa’an”, Manuel hatete iha Sentru Konvensaun Dili, ohin.
Turizmu
relijiozu mak Kristu Rei, João Paulo, istóriku mak muzeu rezisténsia, Santa Krús.
Turizmu
kulturál kompostu hosi bidu, hatais, ko’alia no ema ne’ebé úniku.
“Fatin
sira seluk mak tasi Timór nian ne’e bele dehan iha fatin seluk mós lá haree
hanesan ne’e. Ita-nia Tasi-Tolu furak tebes, Dolok one beleza tebes maibé tenke
kria fatin ne’e atu ema ida labele uza ba nia interese privadu. Fatin públiku
sira ne’e tenke kuidadu didi’ak, dezenvolve ba interese komún”.
Eis
reitór Dili Intitute of Technology ne’e mensiona poténsia turizmu sira hanesan
Ataúru, Marobo, Iralalaru, Jako, Ramelau, Matebian (foho), Taroman, Soibada
ne’ebé mak iha santuáriu Na’in-Feto Ai tara nian, Fatu besi, Ariana, no fatin
sira ne’e rikeza ida ne’ebé fa’an lá kotu.
“Ita
presiza esplora sai duni ita-nia produtu turístiku prontu bá merkadu”.
Jornalista:
Maria Auxiliadora | Editór: Manuel Pinto
Imajen:
Tasi Tolu. Foto/Google.
Sem comentários:
Enviar um comentário