DILI - Diretor Ezikutivu
Fundasaun Mahein (FM) Nelson Belo husu ba governu liu husi ministeiru Defeza no
Seguransa atu atu atensaun masimu ba iha areia fronteira. Tanba durante nee
hamosu problema subornu no transporte neebe tama sai TL ladun kontrola ho diak.
“Ita kualia konaba autoriadde
seguransa fronteira neebe oras nee hanaran Autoridade Seguransa Fronteira
Integrada neebe kompostu husi polisia imigrasaun, alfadega, polisia guarda,
karantina no reforsa tan Polisia Militar, maibe realidade mosu nafatin problema
tanba nee governu tenki halo investigasaun ba ida nee,”dehan Nelson Belo ba STL
iha nia servisu fatin Fomentu Komoro Dili Tersa, (16/1/2018).
Kualia konaba subornu nee
deskonfia mosu duni iha neeba. Realidade seluk hatudu katak transporte motor no
kareta husi Indonezia nia beele tama to mai iha Batugade sosa sasan depois fila
ba Indonezia. Maibe parte ema sidadaun TL to deit iha Mota-Ain. Agora presiza
hatene tanba saida maka trasporte sira husi Indonezia beele tama to mai iha
Batugade.
Vitor soares hanesan Dosente
Siensia Politika husi Universidade Timor Lorosae (UNTL) rekonhese mos katak TL
nudar nasaun foun iha nia fronteira neebe luan no fronteira tasi neebe luan
moos maibe presiza politika neebe diak atu kontrola fronteira terrestre. Atu
beele prevene sasan droga no seluk tan.
Membru Komite 12 Novembru Rogerio
Castro da Cruz dehan katak karik indentifika duni katak mosu duni kazu subornu
iha areira fronteira terrestre neeba tenki kaer no investigasaun no prosesu
tuir lei neebe mak iha ona. Karik kaer ema neebe susteitu sira nee kaer no prosesu
no halo publikasaun ba media atu ema hotu beele hatene.
Justinho Manuel | Suara Timor
Lorosae
Sem comentários:
Enviar um comentário