Avizu mai hosi Check Point ne'ebé
deskobre ona kampaña ida hosi malware ne'ebé hatudu publisidade ba adultu sira
besik aplikasaun hamutuk 60 resin iha loja Google nian, ne'ebé maka destinadu
ba labarik sira.
Ekipa hosi investigador sira
Check Point nian fó sai katak deskobre AdultSwine, kódigu foun no ladún ida iha
Play Store ne'ebé maka subar iha besik jogu infantil hamutuk 60 resin. Tuir
informasaun hosi loja Google nian katak aplikasaun sira ne'e tau hamutuk entre
download millaun tolu to'o millaun hitu.
Bainhira aplikasaun infantil
infestadu instala iha dispozitivu, malware hein atu utilizador hahú desblokeia
nia ekran hodi hahú atake. Bainhira halo, siberkriminozu defini atu mosu,
hanesan ezemplu, anúnsiu sira ne'ebé ladún aproriadu no pornográfiku iha ekran.
Asaun sira seluk hosi AdultSwine
maka halo utilizador sira hakfodak hodi nune'e instala aplikasaun sira
"seguransa" nian ne'ebé la presiza no bele halo aat. Iha fatin
dahuluk, hatudu anúnsiu ida ne'ebé afirma katak vírus ida infeta ona
dispozitivu. Bainhira selesiona asaun "halakon vírus agora",
utilizador sei ba aplikasaun seluk hosi Google Play ne'ebé loloos ne'e hanesan
malware ida.
AdultSwine bele kobra mós vítima
tanba serbisu premiu aat ne'ebé utilizador nunka husu. Hanesan mós ho tátika
hosi Scareware, malware hatudu janela pop-up publisitáriu ida, hodi afirma
katak utilizador foin hetan iPhone ida no presiza nia númeru telefone hodi bele
simu prémiu. Bainhira hatama númeru, utilizador hahú simu SMS beibeik ho folin
maka'as ne'ebé hafoin ne'e sei kobra iha fatura mensal nian.
Atu hatene liután informasaun
kona-ba malware ne'e bele le liuhosi blog
Check Point nian.
Fonte: SAPO Tek
Sem comentários:
Enviar um comentário