Ministru Negósiu Estranjeiru
timoroan, Dionísio Babo, hein katak Timor-Leste ho Indonézia bele konklui iha
tinan ne'e nia laran definisaun ba fronteira terestre entre nasaun rua, falta
de'it "menus 5%" hosi liña ne'e.
"Ami nia kompromisu maka
bele rezolve [situasuan] iha tempu badak. Nasaun rua hakarak atu rezolve lalais
kestaun ne'e", nia esplika iha entrevista ba Lusa.
Nia rekorda katak, iha nível global,
"taka ona besik 70% hosi liña tomak fronteira nian", marítimu ho
terestre, no iha kazu ida ikus ne'e "falta de'it segmentu rua hosi 5%
resin".
Dionísio Babo refere katak
problema ne'e iha relasaun de'it ho komunidade lokal sira.
"Kestaun ne'e iha relasaun
ho komunidade sira ne'ebé hela iha área fronteira sira ne'e, iha Oecusse. Tanba
balun hela besik tasi-ibun, definisaun hosi fronteira tasi nian depende mós
hosi sira", nia hatete.
Kestaun hosi fronteira entre
nasaun rua refere ona iha loron-sesta liubá hosi Prezidente Parlamentu
indonéziu, Bambang Soesatyo, ne'ebé defende ona solusaun lalais ida ba asuntu
ne'e, durante enkontru ida ho Prezidente Timor-Leste nian iha Jakarta.
Iha momentu ne'ebá, Lu-Olo
kompromete halo asaun ruma hodi nune'e bele rezolve kestaun fronteira sira
nian.
"Viziñu sira hatene oinsá
rezolve sira nia problema sira. Ha'u fiar maka'as katak ami nia nasaun rua sei
hetan ideia sira hodi hetan solusaun ia ba diferensa ki'ik ne'e", nia
hatete.
Demora liu maka kestaun hosi
fronteira tasi nian, ne'ebé nia negosiasaun sira bele avansa ho lalais tebes,
hosi parte seluk bainhira hakotu fronteira terestre no, iha parte seluk, hafoin
hakotu akordu kona-ba fronteira tasi entre Timor-Leste ho Austrália.
SAPO TL ho Lusa
Sem comentários:
Enviar um comentário