Konsellu Ministru timoroan aprova
iha loron-kuarta ne'e proposta final Orsamentu Jeral Estadu nian ba tinan 2019,
ho valor total hamutuk dolares billiaun 1,83 no ne'ebé maka agora sei haruka ba
parlamentu.
Iha komunikadu, ezekutivu ne'e
esplika katak aprova ona proposta ne'e iha reuniaun loron-kuarta ne'e nian, no
seidauk fó sai dadu adisional konabá konteudu dokumentu ne'e.
Iha loron-tersa ne'e, iha
reuniaun estraordinaria, Konsellu Ministru defini limite másimu foun ida gastus
nian, ho montante dolares billiaun 1,83, valor ne'ebé boot ba daruak iha konta
anual publika nasaun nian.
Limite foun ne'e mós inklui
"orsamentu ministeriu ida-idak nian, no mós despeza esterna sira ne'ebé
seidauk selu", ne'ebé maka la defini.
"Ba fixasaun ba vaga tetu
orsamental, tau mós konsiderasaun ba kompozisaun despeza sira tuir kategoria
oioin no investimentu Estadu nian liu hosi Fundu Infraestrutura nian ho
relasaun ho programa/projetu sira oioin ne'ebé maka halao ona no ne'ebé maka
atu hahú", esplika.
Ida ne'e sai hanesan orsamentu
ne'ebé aas ba daruak, hafoin iha tinan 2016 nian ne'ebé maka ho montante
billiaun 1,9 no reprezenta mós aumentu ida dolares millaun 548 konabá billaun
1,279 tinan 2018 nian.
Nune'e mós valor ne'ebé fixadu ba
tinan 2019, ne'ebé maka Governu prevé bainhira prepara, iha tinan 2016, konta
sira ba tinan 2017, ne'ebé maka antesipa ba tinan 2019 rekord gastu publika ida
ho valor dolares billiaun 2,48.
Too momentu ne'e Governu seidauk
konfirma se halo prosesu formal ga lae lei OJE ho urjénsia, tanba normalmente,
konta publika sira fó entrada iha parlamentu iha fulan Outubru, ho prosesu
formal ne'ebé normal no ne'ebé maka dura besik fulan rua, hamutuk mós ho
periodu promulgasaun prezidensial.
SAPO TL ho Lusa
Sem comentários:
Enviar um comentário