DILI - Maske ho situasaun neebe
sempre akontese iha rai laran, no dalaruma mos halo komunidade sira hakfodak no
tauk, maibee Polisia Nasional Timor Leste (PNTL), kontinua mantein seguransa
iha rai laran.
Segundu Komadante PNTL Munisipiu
Dili, superintedente asistente polisia Euclides Belo hateten, agora dadaun nee
PNTL latur iha deit servisu fatin maibee PNTL tun direitamente ba iha tereinu
hodi asegura seguransa iha rai laran.
“Tanba nee ema dehan polisia la
halo seguransa iha rai laran, maibee ita bele dehan iha dadersan deit membru
PNTL sira ativu iha fatin-fatin sira neebe maka uluk prejensa polisia nian
laiha, agora bele dehan iha ona,” dehan Euclides ba Jornalsita sira
iha nia knar fatin PNTL Munisipiu Dili, Kuarta (7/11/2018).
Nia husu ba komunidade sira
labele tauk ho situasaun sira neebe mak akontese, tanba situasaun kikoan sira
neebe mak sempre akontese iha komunidade nia let, nee tanba iha ema ida rua nia
entrese hakarak estraga estabiliade.
Maske PNTL sei hasoru rekursu
humanus neebe sei minimum, maibee kada suku mos estabelese ona Konselho
Polisiamentu Komunitaria (KPK), ida sai hanesan tarjeitu ida atu hodi reforsa
tan knar polisia nia iha suku laran.
Notisia kompletu lee iha jornal
STL edisaun Kinta (08/11/2018)
Sonia Ferreira | Suara Timor
Lorosae
Sem comentários:
Enviar um comentário