DILI, (TATOLI) – Prezidente
Institutu Petróleu no Jeolojia (IPJ), Helio Casemiro Guterres, hatete orsamentu
IPJ nian ba tinan oin hamutuk millaun $1.8 ne’e liuliu ba serbisu tékniku nian.
“Tanba buat ne’ebé ami husu ne’e haree
ba dadus sira ne’ebé maka ita iha. Agora daudaun kompañia barak halo hela
estudu ne’e, estudu sientífiku bele ka’er data de’it halo interpretasaun
liuhusi ita-nia matenek ne’ebé maka iha, interpretasaun data lapresiza buat
ne’ebé boot liu. Ba ami-nia ne’e orsamentu sufisiente ba funsionamentu
institutu no investigasaun jeolójika ne’ebé ita halo daudaun”, Helio katak
hafoin audiénsia ho Komisaun D ne’ebé trata asuntu ekonomia no dezenvolvimentu,
Parlamentu Nasionál, ohin.
Helio hatutan IPJ harii atu halo
investigasaun tolu maka ba rekursu jeolójiku, jeoinformasaun no jeohazart
ne’ebé tinan-tinan sempre halo.
Nia relata sobre orsamentu ba
institutu ne’e hahú husi 2016, 2017 no 2018 laliu husi montante ne’ebé propoen,
no ezekusaun orsamentu IPJ iha tinan ne’e atinje ona porsentu 83.
Jornalista: Maria Auxiliadora | Editora:
Rita Almeida
Imajen: Prezidente Institutu
Petróleo no Jeolójia (IPJ), Helio Casimiro Guterres. Imajen António Goncalves
Sem comentários:
Enviar um comentário